RINALATAN 10:24 - Tanou Moonsoi Timugon

²⁴ Pakasail songorou nakasuku' ilo ra Kaisaria. I Konilius ti naginaa noyo ra giu' i mabaya' ra ulun ondo' piniau no, io no pabukat-pabukat nano am niayuk rangan-rangan nano.

RINALATAN 10:24 ပူးပေါင်းရင်းမြစ်များ

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JAKARIA 3:10

Paat orou raginio masaboi, moonong ulun mangkimait ra pasambalayan nano matong am sumia' ra kaansayan am kinamio giu' ra tatanga' ru umo ru anggur am puun ru ara min.”

MATIUS 16:13

Ongoi i Jisus ra libung mamaar ra pekan Kaisaria Pilipi. Giu' no nangkuot Io ra maamaya'-maamaya' Nano, “Kon ru ulun, osoi sotopot no Anak ru Ulun no?”

LUKAS 5:29

Kopongo ragili pambaal i Liwi ra rondo' bunsag giu' ra baloi nano koson mangiantak ra ratangan ri Jisus. Masuang mampalulur ra cukai am ulun ra bokon poyo giminulung pangakan risilo.

RINALATAN 10:1

Mokoondo' sangulun ungkuyon makainggalan ri Konilius minayan ra Kaisaria. Io ti tingganai ru tayar saujor Roma ondo' sabiton ra “Rejimen ru Itali”.

RINALATAN 10:27

Liliwa' i Pitrus nakimansunur ri Konilius, umpos io ra rondo' lamin am kakito no masuang ulun timinimung ra giu' i.

RINALATAN 8:40

I Pilipus pana nakaliman ra giu' io noyo ra Asdod. Ongoi io ra ngaangai' intok ru libung ragitio am mampatanou ra Tanou Moonsoi intor ri Jisus saboi nakasuku' io ra Kaisaria.