RINALATAN 10:19 - Tanou Moonsoi Timugon

¹⁹ Paat ri Pitrus lakat ayuk poyo maguyum ra arati' ru pagilangan ni, indagu Ambiluo ri Aki Kapuuno' riso, “Pitrus, mokoondo' talu ngaulun maguyum rirun.

RINALATAN 10:19 ပူးပေါင်းရင်းမြစ်များ

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

RINALATAN 10:18

Nampiau ilo pangkuot, “Giti kia baloi inayanan ru ulun makainggalan ri Simon Pitrus?”

RINALATAN 10:3

Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”

RINALATAN 11:12

Indagu Ambiluo ri Aki Kapuuno' i raki' koson maya' risilo am kalo pana maimamang. Onom ngaulun ragitio minaya' raki' mongoi ra Kaisaria am ngaangai' akai minumpos ra baloi ri Konilius i.

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 21:4

Ongoi akai boo tuum ra ulun Kristian am minayan akai risilo buoi saminggu'. Ralalom kuasa' ru Ambiluo ri Aki Kapuuno', bilini' nilo i Paulus koson kalo mongoi ra Jirusalim.

RINALATAN 8:29

Indagu Ambiluo ri Aki Kapuuno' no ri Pilipus, “Inggaari' sinakayan nano.”

1 KORINTUS 12:11

Ngaangai' no saukon ru rondo' ayuk, ioginio Ambiluo ri Aki Kapuuno'. Io no ondo' mangani' ra ulun ra kapandayan sigagama' sumugut ra kasagaan Nano galama'.

1 TIMOTIUS 4:1

Mindagu Ambiluo ri Aki Kapuuno' ra totopot paat orou ra tauli, mokoondo' ulun tumalikur intor ra pangintapatan ri Jisus Kristus; sumugut ilo ra ambiluo ondo' mampakalayau am maya' ra pangilaan ru riwato.