RINALATAN 1:9 - Tanou Moonsoi Timugon

⁹ Karagu ayuk i Jisus ginii, kinayang Io mongoi ra suruga' liliwa' ilo nagilong, am gaun i pana nanili Riso intor ra pagilangan nilai.

RINALATAN 1:9 ပူးပေါင်းရင်းမြစ်များ

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

KAINGKUALAN 19:9

Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 34:5

Tuun Tuhan ralalom ru gaun; bigor Io am i Musa ra intok raginio am nanabit ra inggalan Nano ondo' matulai, iono Tuhan.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

DANIL 7:13

Ralalom ru pinaintalang raki' paat rondom raginio, nakito ku rondo' koson ra ulun. Minatong io linibungan ru gaun, am mininggaar Riso ondo' maayag ra mantilayun, am pinauma' Riso.

MARKUS 16:19

Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'.

LUKAS 21:27

Bagu no makito Anak ru Ulun matong ra gaun nabaya' ra kuasa' am katulayan maayo Nano.

JUANIS 6:62

Ati poyo kulaan ru makakito kau ra Anak ru Ulun rumuli' ra intor Nali?

RINALATAN 1:11

Konilo risilo, “Ulun Galilia kau ngai', kua bigor kau ayuk ragiti am pantingaa' ra rasawat? I Jisus, ondo' nakito min kinayang mongoi ra suruga', sumaguli' Io poyo mogondo' ra nakito min raitii' ni.”

RINALATAN 1:2

saboi ra orou nangkayangan Riso mongoi ra suruga'. Io kalo poyo minugar, mabaya' ra Ambiluo ri Aki Kapuuno' nambilin Io ra rasul-rasul ondo' pinili' Nano.

1 TISALONIKA 4:17

Itakau boo ondo' maayag ayuk poyo paat raginio kayangon maya' ra gaun mababaya' risilo, mongoi tuum ra Tuhan giu' ra limbowon. Itakau pana masimpung boo ra Tuhan ra sabuoi-buoi no

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.

PINAINTALANG 11:12

Korongog boo ru karuo ngaulun nabi no bolos mapuor intor ra suruga' minindagu risilo, “Ibok no, pagaloi ragiti!” Liliwa' pantula' nilono magilong, kulumputo' ruo ngaulun nabi no ru gaun mongoi ra suruga'.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.