RINALATAN 1:24 - Tanou Moonsoi Timugon

^24-25 Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 1:24 ပူးပေါင်းရင်းမြစ်များ

1 RAJA'-RAJA' 8:39

rongogo' noyo pakiasian nilo. Rongogo' noyo ilo intor ra intok inayanan Muno giu' ra suruga', am ampuno' am indangano' noyo ilo. Okou ayuk makapandai ra suang ru guang ru ulun. Ginio ra, baalo' noyo pamakuan ra ulun nogondo' ra binaal nano,

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

MAZMUR 44:21

Amon langgain mai sumamba ri Aki Kapuuno' mai, am sumamba ra tuhan ra bokon,

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

AMSAL 15:11

Amon ru makapandai Tuhan no ra nansalinut baal intor ra tana' ru ulun minatoi, maaru' mapandayan No niayuk pangkaraan ru ulun.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 20:12

Kaa', iou Tuhan Ondo' Maayo Kaga' Kuasa', mabaya' ra matimpok mangkinam Kou ra ulun; nakapandai Kou ra suang ru guang am pangkaraan nilo. Ginio ra iowo' noyo aku magilong Rirun mambalos ra kalaatan ru pantula' kuno, sabap ra pataakon ku baal kuno Rirun.

UNTABAN 27:16

“Iou Tuhan i Aki Kapuuno', ondo' manaak ra kaayagan ra ngaangai' ondo' maayag, makitaak aku, pilio' noyo sangulun ondo' makapaningganai ra ulun ragitio,

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 15:8

I Aki Kapuuno' ondo' makaintutun ra guang ru ulun, nampakito ra nangapu Io noyo risilo, ra nangani' Io risilo ra Ambiluo Nano nogondo' niayuk ra ondo' tinaakan Nano ritakau i.

RINALATAN 6:6

Tulu' ngaulun ti pinauma' boo ra rasul-rasul, am pabantaa' nilo kalindu' nilai risilo koson makitaak ra barakat intor ri Aki Kapuuno'.

ROMA 8:27

I Aki Kapuuno' ondo' makapandai ra ngaangai' ru guang ru ulun, makarati' ra kitaakon ru Ambiluo Nano. Sabap ra maya' ra kasagaan ri Aki Kapuuno' galama' makitaak Ambiluo Nano ri Aki Kapuuno' koson ra ulun Nano.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

1 SAMUIL 14:41

Indagu Raja' Saul ra Tuhan, i Aki Kapuuno' ru Israil, “Iou Tuhan, i Aki Kapuuno' ru Israil, kua kinua' kalo tumaam Kou raki' ra orou raiti'? Iou Tuhan, taamo' aku ra pulanui' batu-batu ondo' mapasau ti. Amon ru i Jonatan kapoam aku ondo' makatula, taamo' ra ralalom ru batu Urim; kaa' amon ru ulun ru Israil ondo' makatula, taamo' ra ralalom ru batu Tumim.” Taaman ru Tuhan no nanulu' ri Jonatan am Raja' Saul; am kon raginio kolondo' sala ru mamagun.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”