RINALATAN 1:16 - Tanou Moonsoi Timugon

¹⁶ “Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 1:16 ပူးပေါင်းရင်းမြစ်များ

2 SAMUIL 23:2

Ambiluo ru Tuhan minindagu pinabala' galing raki'; ragu Nano soroi ra bibil kuno.

2 RAJA'-RAJA' 15:12

Koon raginio noyo nasauk ra bantu' ondo' binaal ru Tuhan ra Raja' Jigu: “Papag muno saboi ra papag kaapat masauk ra raja' giu' ra Israil.”

MAZMUR 41:9

Mindagu ilo, “Malanjag maruol nano am kalo boo makasukal intor ra kaalangan no.”

MATIUS 26:14

Sangulun intor ra mopor am ruo maamaya' ri Jisus, ondo' ininggalanan i Judas Iskariot, minuma' boo ra tingganai-tingganai imam Jaudi am indagu,

MATIUS 26:47

Liliwa' i Jisus lakat ayuk poyo mindagu, ratong i Judas nabaya' ra ulun masuang ondo' nagibit ra ilang am lalamba'. Sinusub ilo ru tingganai-tingganai imam Jaudi am tingganai-tingganai ru ulun ru Jaudi.

MATIUS 26:54

Kaa' amon ru koson raginio, ati koson masauk ondo' tinulisan ra Buuk Kitab, kono, baal ragitio musiti' pasaukon.”

MATIUS 26:56

Kaa' ngaangai' baal ragitio maaru' masauk koson mampainono' ondo' tinulisan ru nabi-nabi ra Buuk Kitab.” Ngaangai' maamaya' Nano pana nagiru' boo nangiruan ri Jisus.

MARKUS 12:36

Alika i raja' Daut galama' minindagu ra io binalaan ru Ambiluo ri Aki Kapuuno', kono, ‘I Aki Kapuuno' minindagu ra Tuhan kuno: Panturung no ra pamiris Kutu saboi baalon Ku pantula' Muno kumuku' ngai' Rirun.’

MARKUS 14:43

Lakat ayuk poyo i Jisus mindagu, ratong i Judas. Io ti sangulun intor ra koopor am ruo ngaulun maamaya' ri Jisus. Minatong io nababaya' ra ulun masuang ondo' nagibit ra ilang am tataun lalamba'. Sinusub ilo ru tingganai imam Jaudi, mangingila' ra Ukum ri Musa am tingganai ru ulun ru Jaudi no.

LUKAS 22:47

Tatanga' i Jisus lakat ayuk poyo minindagu, ratong sampulalai ru ulun masuang. I Judas, sangulun intor ra mopor am ruo ngaulun maamaya' ri Jisus no, siminigulu risilo. Alaki' boo ri Judas i Jisus.

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’

JUANIS 17:12

Buoi Aku soroi risilo, inalungan Ku ilo ralalom ru kuasa' ru inggalan Muno – io no kuasa' ondo' pinataak Muno Raki'. Inalungan Ku ilo am kolondo' sangulun pana intor risilo naluus, suai poyo ra sangulun i, ondo' inaru' noyo maluus. Maa' raginio, masugut boo ondo' tinulisan ra Buuk Kitab.

JUANIS 19:36

Baal ragitio pana nasauk koson nasugut ondo' tinulisan ra Buuk Kitab, “Kolondo' rondo' pana bungul Nano pandakon.”

RINALATAN 1:20

Tungguli' poyo ri Pitrus, kono, “Ralalom kitab Mazmur mokoondo' tinulisan koson ragitio, ‘Polosoon ayuk inayanan nano masiluk; sangulun pana pai' ayan ra intok no.’ Mokoondo' niayuk tinulisan koson ragitio, ‘Polosoon noyo ulun bokon pamamalit riso.’

RINALATAN 13:15

Kopongo binasa' Ukum ri Musa am Kitab ru Nabi-nabi, tingganai-tingganai ru baloi sambayangan nanusub ra ulun mangkuot ri Paulus am rangan-rangan nano, konilo, “Pabukat kau, amon ru mokoondo' paraguon min koson mangila' ra ulun ragiti, posoboyo' min ayuk.”

RINALATAN 13:38

Ginio boo ra pabukat kau ngaangai', intutun kano toojo ra ralalom inggalan ri Jisus noyo tanou ti posoboyon ramuyun, koson ra tula mino maampun. Osoi ayuk mangintopot Riso makalabus intor ra ngaangai' tula ondo' kalo maalap kapuso ru Ukum ri Musa.

RINALATAN 15:13

Kopongo ilo nantunung, indagu i Jakubus, kono, “Pabukat kau ngaangai', rongogo' min gitio!

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 2:37

Pakaining ulun-ulun no ra ragu ri Pitrus ni, napasilak guang nilai. Pangkuot ilo boo ri Pitrus am rasul ra bokon no, “Pabukat kau, raino atan kia maaru' baalon mai?”

RINALATAN 22:1

“Pabukat kau ngaangai'! Rongogo' min aku! Masaga' aku mapaintutun ramuyun ra sala' ka malaat aku.”

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

RINALATAN 23:6

Kaa' pakakito boo ri Paulus ra mokoondo' sampiruo intor ra Majlis Ugama i ulun-ulun ru Saduki am sampiruo i poyo ulun-ulun ru Parisi, indagu io risilo ra mapuor, “Pabukat kau ngaangai'! Aku ti ulun ru Parisi am papag poyo ru ulun ru Parisi. Bisaraan aku ragiti sabap ra mangintopot aku ra ulun matoi bayagon saguli'.”

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

RINALATAN 7:2

Taam i Stipanus, “Pabukat ku ngaangai'! Rongogo' min gitio! I Aki Kapuuno' nampakito ra katulayan Nano ra kinamatuaan takau i Abragam paat ra io lakat ayuk poyo minayan giu' ra pagun Misopotamia, ra kalo poyo minanding ra pagun ru Aran.

1 PITRUS 1:11

Nangimumuyan nilo ra ati kulaan am sanggilan ginio masauk, sumugut ra bolos ru Ambiluo ri Kristus ralalom ru guang nilo. Io no nambala' risilo intor ra kaimbalaan ondo' inaru' matuum ri Kristus am poyo intor ra katulayan ra tauli no.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

2 PITRUS 2:21

Moonsoi poyo ru ulun koson raginio kalo igogondo' pakaulig ra ralan katapatan ri Aki Kapuuno', intor ra ilo makaulig toojo, kaa' ra tauli kalo boo sumugut ra panusuban ri Aki Kapuuno' ondo' pinasaboi noyo risilo.