RINALATAN 1:15 - Tanou Moonsoi Timugon

¹⁵ Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 1:15 ပူးပေါင်းရင်းမြစ်များ

MATIUS 13:31

Nantunung poyo i Jisus risilo ra rondo' abig, “Paat ri Aki Kapuuno' mamarinta, baal no koson ra sangunor puun mustard ondo' tonomon ru sangulun giu' ra umo nali.

LUKAS 22:32

Kaa' nakiasi' Aku noyo ra pangintapatan muno kalo malawo. Ra okou sumaguli' Raki', okou tupo niayuk mampaikang ra pangintapatan ru pabukat-pabukat muno.”

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

JUANIS 21:23

Ginio boo ra nakatabual tanou ra gino ngai' ru maamaya' Nano ra maamaya' raginio kalo matoi. Kaa' sotopot no i Jisus galama' kalo minindagu ra kalo matoi io; kaa' kon Nano, “Amon ru masaga' Aku ra maayag io saboi ra Aku matong saguli', kua kaimamang kou raginio?”

RINALATAN 10:23

Kimaiti' ilo boo ri Pitrus mombolong ra inayanan nano buoi sorondom. Io suabon, tampos i Pitrus am baya' risilo. Mokoondo' niayuk kukula' ngaulun nangintopot pana intor ra Jopi minaya' riso.

RINALATAN 11:1

Rasul am ngaangai' ulun nangintopot ra ati ayuk ra Judia nakaining ra ulun sala' ka Jaudi nokoowot ra bala' ri Aki Kapuuno'.

RINALATAN 11:12

Indagu Ambiluo ri Aki Kapuuno' i raki' koson maya' risilo am kalo pana maimamang. Onom ngaulun ragitio minaya' raki' mongoi ra Kaisaria am ngaangai' akai minumpos ra baloi ri Konilius i.

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 12:17

Nangani' i Pitrus risilo ra pulanu koson mongkoror am tunungo' no ati kulaan Tuhan nagibit riso miningkual ra lamin pangaputan. Kono poyo, “Balai' min i Jakubus am ulun Kristian ra bokon ra atan ondo' nasauk raki' ti.” Kopongo ragili, iruani' boo ri Pitrus intok raginio am ongoi ra intok ra bokon.

RINALATAN 14:2

Kaa' ulun ru Jaudi ondo' kalo nangintopot nanusuk poyo ra ulun sala' ka Jaudi saboi nasisang ilo ra ulun ondo' nangintopot ri Jisus.

RINALATAN 15:1

Mokoondo' kukula' ngaulun Kristian intor ra Judia minatong ra Antiokia am nangila' ilo ra ulun Kristian ra, “Kalo bayagon kau ri Aki Kapuuno' amon ru kalo sunatin kau maya' ra Ukum ri Musa.”

RINALATAN 15:3

Ginio ra ulun Kristian ra Antiokia nompoongoi noyo risilo ra Jirusalim. Minapit ilo poyo ra Pinisia am Samaria. Pakasuku' ilo ra giu' i, pantunung ilo ra ati kulaan ulun sala' ka Jaudi nangintopot noyo ri Aki Kapuuno'. Tanou ragitio nampakaansuk toojo ra guang ru ulun Kristian ondo' soroi ra giu' i.

RINALATAN 16:2

Ngaangai' ulun Kristian ondo' minayan ra Listra am Ikonium nongompor ri Timotius.

RINALATAN 16:40

Iruani' boo ri Paulus am i Silas pangaputan i am ongoi ra baloi ri Lidia. Pakatuum ilo ra ulun Kristian ra giu' i, nampaikang ilo poyo ra pangintapatan nilai. Kopongo ragili ugar ilo boo.

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 17:14

Ulun Kristian ra giu' no mataki' nangator boo i Paulus mongoi ra nagas ru raat. Kaa' i Silas am i Timotius soroi ra bandar i.

RINALATAN 17:6

Kaa' kalio natuum nilo i Paulus am Silas. Ginio ra ralaato' nilo boo i Jason ti am kukula' poyo ngaulun Kristian koson paumaan ra tingganai ru bandar i. Nompogolok ilo, “Nakimagabu' ngaangai' ulun ti ra ati ayuk angayan nilo! Raino minongoi ilo poyo ra bandar takau ti

RINALATAN 18:18

Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

RINALATAN 18:27

I Apolos pana makaguang boo mongoi ra Akaya. Ginio ra ulun Kristian ra Ipisus nanulis ra surat posoboyon ra ulun Kristian ra Akaya koson ra apuon nilo i Apolos ti. Pakasuku' ra giu' i, pangindanganan nali totopot mokoonong ra ulun Kristian, ondo' ralalom ru kataawan ri Aki Kapuuno' nangintopot ri Jisus.

RINALATAN 21:17

Pakasuku' akai ra Jirusalim, inuma' akai ru ulun Kristian ra giu' i am naansayan ilo toojo.

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

RINALATAN 21:7

Narayus akai intor ra Tirus ongoi ra Ptolimais. Minongoi akai tuum ra ulun Kristian ra giu' i, am ayan risilo buoi songorou.

RINALATAN 22:5

Tingganai Maayo Imam Jaudi am niayuk ngaangai' tingganai ru Majlis Ugama, makapangani' ra sasi' ra kalo magabau aku. Ilo no ondo' nangani' raki' ra surat kuasa' patuluon ra ulun ru Jaudi ra Damsyik, ioginio mangiou raki' mamparakop ra ulun ru Jaudi ondo' nangintopot ri Jisus koson ibiton ra Jirusalim ra ukumin.”

RINALATAN 28:14

Giu' no niayuk nakatuum akai ra kukula' ngaulun Kristian. Nangkimait ilo ramon mayan risilo am saminggu' akai ra giu' i. Kopongo ragili, narayus akai boo ra Roma maya' ra lantur.

1 KORINTUS 15:6

Kopongo ragili igondo' Io po minintalang ra maamaya' Nano ondo' suang olo'-olo' limo ngaatus ngaulun. Kasuangan nilono lakat ayuk poyo maayag, kaa' kukula' ngaulun minatoi noyo boo.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 3:4

“Kaa' mokoondo' intor ramuyun ra bandar Sardis ondo' kalo minaya' mambaal ra tula, ioginio kalo jinamalan kau. Mababaya' kau Raki' am pambayangon kau ra mapulak sabap ra maaya' kau noyo.