RINALATAN 1:14 - Tanou Moonsoi Timugon

¹⁴ Ngaangai' ilo ti rondo' guang am masalok ilo tumimung makiasi' mababaya' ra ruandu'-ruandu', i Maria ina' ri Jisus am pabukat-pabukat ri Jisus.

RINALATAN 1:14 ပူးပေါင်းရင်းမြစ်များ

MATIUS 12:46

Tatanga' ri Jisus mindagu ra ulun masuang no ratong ina' am pabukat Nano. Naginaa ilo ra liwar am masaga' ilo tumuum ri Jisus.

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

MATIUS 27:55

Mokoondo' masuang niayuk ruandu' ondo' nagilong intor ra maalur. Ilo ti minaya' ri Jisus intor ra libung ru Galilia am nangindangan Riso.

MARKUS 15:40

Giu' i mokoondo' niayuk kukula' ngaulun ruandu' ondo' nagilong ra ngaangai' baal ti intor ra maalur. Intor risilo am i Salomi, Maria Magdalina am i Maria, ina' ri Josis am i Jakubus Mamulok.

MARKUS 16:1

Kopongo orou Sabat, i Maria Magdalina, Maria ina' ri Jakubus am i Salomi minongoi pambali ra apa' maamis owou koson pakupilon ra baangkai ri Jisus.

LUKAS 11:13

Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”

LUKAS 18:1

Pantunung boo i Jisus ra abig ragitio koson mangila' ra maamaya' Nano maa' raginio kalo lumonggo' makiasi'.

LUKAS 23:49

Ngaangai' ulun ondo' nakaulig ri Jisus, am niayuk ruandu'-ruandu' pana ondo' siminumbaya' ri Jisus intor ra Galilia i, minigor am nagilong intor ra maalur ra ngaangai' ondo' nasauk i.

LUKAS 23:55

Ruandu'-ruandu' ondo' siminumbaya' ri Jisus intor ra Galilia, siminunu' ri Jusup. Inilayan nilo kalabangan i am ati kulaan pinalangan baangkai ri Jisus ra ralalom i.

LUKAS 24:10

Ruandu'-ruandu' raginio ondo' nantunung ra ngaangai' ti ra rasul-rasul no, iono i Maria Magdalina, i Juana am i Maria ina' ri Jakub, am poyo ruandu' ra bokon ondo' minaya' risilo.

LUKAS 24:33

Ingkakat am saguli' ilo ra Jirusalim. Giu' i natuum nilo mopor am rondo' ngaulun maamaya' ri Jisus ondo' natitimung mabaya' ra rangan nilai.

LUKAS 24:53

Ginio ra masalok ilo mongoi ra Baloi Tuhan koson mongompor ri Aki Kapuuno'.

LUKAS 8:20

Mokoondo' nambala' ri Jisus, kono, “Tuan, ina' am pabukat-pabukat Muno soroi ra liwar no. Masaga' ilo tumuum Rirun.”

RINALATAN 2:1

Paat nasuku' orou Pentekosta, rondo' pangiantakan maayo ru ugama Jaudi, ngaangai' ulun ondo' mangintopot ri Kristus timinimung ra rondo' intok.

RINALATAN 2:42

Mapirot toojo ilo migigila' intor ra rasul-rasul. Nakipabukat ilo ra rondo' am bokon, magugulung mangakan am mababaya' makiasi' ri Aki Kapuuno'.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 6:4

Ginio nai ra akai matasu' boo makiasi' am mampasaboi ak ra tanou intor ri Aki Kapuuno'.”

ROMA 12:12

Lansan kano ra Tuhan ra guang maansukan. Kataan kano amon ru makakapaganan am kasalok pakiasi' ra Tuhan.

1 KORINTUS 14:13

Sabap raginio nai, ulun ondo' inanian ra kapandayan mindagu ra ragu imuagan, moonsoi makitaak io ri Aki Kapuuno' ra kapandayan mambala' ra arati' ru ragu raginio.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

KOLOSI 4:2

Ralalom ru pakiasian min, pirot kano toojo, ilalai' am paringkuanang ri Aki Kapuuno'.