RINALATAN 1:13 - Tanou Moonsoi Timugon

¹³ Giu' ra Jirusalim minongoi ilo ra baloi inayanan nilo, am pagaloi ilo boo ra lamin ra rasawat. Rasul-rasul no am i Pitrus, Juanis, Jakubus am i Andrias, i Pilipus am i Tomas, i Bartolomius am i Matius, i Jakubus anak ri Alpius, i Simon ulun Patriot am i Judas anak ri Jakubus.

RINALATAN 1:13 ပူးပေါင်းရင်းမြစ်များ

MATIUS 9:9

Iruani' ri Jisus intok raginio. Tatanga' ra Io nangkiralan, kakito No sangulun mampalulur ra cukai, ioginio i Matius, nanturung ra baloi ru cukai no. Indagu i Jisus riso, “Baya' Raki'!” Bigor i Matius am baya' io ri Jisus.

MARKUS 14:15

Tuluin kau boo ru ulun no rondo' lamin ra rasawat ondo' maayo, ondo' sinadiaan ra ngaangai' kuliamos. Ra giu' no sadiaa' min noyo ngaangai' ritakau!”

MARKUS 14:33

Kimaiti' boo ri Jisus i Pitrus, Jakubus am i Juanis mabaya' Riso. Magalabo am mangiluk toojo guang Nali.

MARKUS 2:14

Liliwa' Io nansail ra giu' no, kakito No sangulun mampalulur ra cukai, inggalan nano i Liwi, anak ri Alpius. Nanturung io ra lamin ru cukai am indagu boo i Jisus riso, “Baya' no Raki'!” Bigor i Liwi am baya' Riso.

MARKUS 5:37

Ugar boo i Jisus am kalo mapaaya' ra sangulun pana, kaa' ondo' ayuk pinaaya' no am i Pitrus, i Jakubus, am pongkotob nano i Juanis.

MARKUS 9:2

Kopongo onom ngoorou ibito' ri Jisus i Pitrus, Jakubus am i Juanis am pabaya' ilo pagaloi ra rondo' gunung masawat. Ilo ayuk apat ngaulun ra giu' i. Balui boo baal ri Jisus ra talupak ru mato nilo.

LUKAS 22:12

Tuluin kau ru ulun no rondo' lamin maayo ra rasawat ondo' natampos noyo. Pongoono' min ayuk ra giu' no ngaangai'.”

JUANIS 11:16

Ginio ra i Tomas, ondo' niayuk sabiton Magapir, minindagu io ra maamaya' ra bokon no, “Ibok, marurumar takau matoi!”

JUANIS 14:22

Pangkuot i Judas (sala' ka i Judas Iskariot) ri Jisus, “Tuhan, kua akai ayuk balain Muno ra osoi Okou sotopot no, kaa' ulun ru tana' ti kalo?”

JUANIS 18:17

Kaa' indagu ruandu' i riso, “Sala' ka kia okou niayuk sangulun intor ra maamaya' ru ulun no?” Taam io, “Sala'.”

JUANIS 21:2

Timinimung poyo i Simon Pitrus, i Tomas (ondo' sabiton ri Nagapir), i Natanil (intor ra pamagunan Kana ra libung Galilia), anak-anak ri Jibidius, am niayuk ruo ngaulun maamaya' ri Jisus ra bokon i.

RINALATAN 12:17

Nangani' i Pitrus risilo ra pulanu koson mongkoror am tunungo' no ati kulaan Tuhan nagibit riso miningkual ra lamin pangaputan. Kono poyo, “Balai' min i Jakubus am ulun Kristian ra bokon ra atan ondo' nasauk raki' ti.” Kopongo ragili, iruani' boo ri Pitrus intok raginio am ongoi ra intok ra bokon.

RINALATAN 15:13

Kopongo ilo nantunung, indagu i Jakubus, kono, “Pabukat kau ngaangai', rongogo' min gitio!

RINALATAN 2:14

Bigor boo i Pitrus nababaya' ra mopor am rondo' rasul ra bokon am indagu io ra ulun masuang ra bolos mosongou, kono, “Pabukat kau ngaangai', ulun ru Israil am ngaangai' ondo' mayan ra Jirusalim! Rongogo' toojo atan ondo' pabalaan kuno ramuyun.

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 20:8

Masuang lampung napaangan ra lamin ra rasawat, intok tinimungan maili.

RINALATAN 4:13

Ulun ru Majlis Ugama nangimuag magilong ra kinabaani ri Pitrus am i Juanis, am poyo katutuni' nilo karuo rasul ti sala' ka ulun maatang am kolondo' sikul. Katutuni' nilo boo ruo ngaulun rasul ti rangan toojo ri Jisus.

RINALATAN 4:19

Kaa' taam i Pitrus am i Juanis, “Guango' min galama' atan motopot ra pagilangan ri Aki Kapuuno': Gumagaya' ramuyun kia kapoam gumagaya' ri Aki Kapuuno'?

1 KORINTUS 15:7

Kopongo ragili minintalang Io poyo ri Jakubus am tauli no ra ngaangai' ru rasul-rasul Nano.

GALATIA 1:19

Kolondo' natuum ku ra rasul ra bokon, kaa' i Jakubus ayuk, pabukat ru Tuhan.

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

2 JUANIS 1:1

Okou ina' ondo' pinili' ri Aki Kapuuno' am niayuk akau anak-anak nano. Aku magagalung ra pasimpungan ulun Kristian ondo' topot-topot motogom ramuyun. Sala' ka aku ayuk sangulun kaa' ngaangai' ulun ondo' makaulig ra katapatan motogom ramuyun.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus: