RINALATAN 1:11 - Tanou Moonsoi Timugon

¹¹ Konilo risilo, “Ulun Galilia kau ngai', kua bigor kau ayuk ragiti am pantingaa' ra rasawat? I Jisus, ondo' nakito min kinayang mongoi ra suruga', sumaguli' Io poyo mogondo' ra nakito min raitii' ni.”

RINALATAN 1:11 ပူးပေါင်းရင်းမြစ်များ

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 24:30

Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MARKUS 13:26

Paat raginio, makito Anak ru Ulun matong ralalom ru gaun mabaya' ra kuasa' am katulayan Nano.

MARKUS 14:70

Kaa' alio' poyo ri Pitrus. Kalo nabuoi ragili, ngaangai' ulun ra giu' no mindagu ri Pitrus, “Pai' pagali', maaru' okou sangulun intor risilo, sabap ra okou ulun ru Galilia!”

MARKUS 16:19

Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'.

LUKAS 21:27

Bagu no makito Anak ru Ulun matong ra gaun nabaya' ra kuasa' am katulayan maayo Nano.

LUKAS 24:5

Sabap ra nangalaa' toojo kubu ruandu'-ruandu' ra tana'. Kaa' indagu boo ruo ngaulun i risilo, konilo, “Kua guat uyumo' min ulun ondo' maayag ra intok ru ulun minatoi?

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

RINALATAN 1:2

saboi ra orou nangkayangan Riso mongoi ra suruga'. Io kalo poyo minugar, mabaya' ra Ambiluo ri Aki Kapuuno' nambilin Io ra rasul-rasul ondo' pinili' Nano.

RINALATAN 1:22

intor i Juanis timinalimpuun mampariu' ra ulun saboi ra orou i Jisus kinayang mongoi ra suruga'.”

RINALATAN 1:9

Karagu ayuk i Jisus ginii, kinayang Io mongoi ra suruga' liliwa' ilo nagilong, am gaun i pana nanili Riso intor ra pagilangan nilai.

RINALATAN 13:31

Tauli no boo ra buoi kukula' ngoorou, minintalang Io ra ulun ondo' nababaya' Riso intor ra Galilia suku' ra Jirusalim ragili. Raino ilo ti noyo sasi' Nano ra bansa' ru Israil.

RINALATAN 2:7

Nabaya' ra sioro' am imuag indagu ilo, “Sala ka kia ondo' pasaragu ti ulun Galilia?

RINALATAN 3:12

Pakakito i Pitrus ra ulun ra masuang no, indagu io risilo, “Pabukat kau ngaangai' ulun ru Israil, kua pangimuag kau ragitio? Kua urioo' min akai? Guang min kia ra ulun ti makaugar sabap ra makakuasa' akai, kapoam mampagagaya' akai toojo ri Aki Kapuuno'?

RINALATAN 3:21

Io musiti' mayan ra limbowon saboi talimbaguin ri Aki Kapuuno' ngaangai' no, koson ra rinagu ri Aki Kapuuno' ondo' pinabala' galing ra nabi-nabi matulai Nano paat ra galing i.

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.