RINALATAN 1:10 - Tanou Moonsoi Timugon

¹⁰ Paat ra ilo lakat ayuk poyo nantingaa' ra rasawat, liliwa' i Jisus kinayang, pulusat ru ruo ngaulun nambayang ra mapulak minigor umbir risilo.

RINALATAN 1:10 ပူးပေါင်းရင်းမြစ်များ

2 RAJA'-RAJA' 2:10

Kon ri Ilia, “Kitaakon muno mapagon iowon. Kaa' amon ru makito mu aku paat ra aku ibiton mugar, makaapu kou ra kitaakon muno. Amon ru kalo, kalo makaapu kou raginio.”

DANIL 7:9

Liliwa' ra aku magilong, kukula' kurisi' ru raja' pinaatang. Io ondo' maayag ra mantilayun nanturung giu' ra rasawat ru rondo' intor ra kurisi' ru raja' no. Bayang Nano mapulak koson ra salji, am abuk Nano mapulak koson bulu domba. Kurisi' ru raja' Nano mokoondo' ra luda' ondo' bibilak apui no,

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

MATIUS 28:3

Baal ru malaikat no koson ra ganit am bayang nano mapulak koson ra kanawai.

MARKUS 16:5

Umpos ilo ra lobong i. Ralalom i tampilon ra pamiris, nakito nilo mokoondo' sangulun ungkuyon mamulok nanturung, nambayang ra sukub ondo' mapulak, ginio ra ilo nakatigog.

LUKAS 24:4

Liliwa' ilo minigor ra giu' i am nangimuag mampaguang raginio, pulusat ru ruo ngaulun ungkuyon nambayang ra mapulak manguliat mininggaar risilo.

JUANIS 20:12

Ilai' no ruo ngaulun malaikat nambayang ra mapulak, nanturung ra nampabantaan ra baangkai ri Jisus i, rondo' tampilon ra ulu am rondo' tampilon ra tupakon.

RINALATAN 10:3

Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”

RINALATAN 10:30

Taam i Konilius, “Talu ngoorou ra nakasail i, olo'-olo' jam katalu ra io mai', nakiasi' aku ri Aki Kapuuno' giti ra baloi ti. Pulusat boo ru sangulun ungkuyon nambayang ra mapulak manguliat ra saang kuli.

PINAINTALANG 3:4

“Kaa' mokoondo' intor ramuyun ra bandar Sardis ondo' kalo minaya' mambaal ra tula, ioginio kalo jinamalan kau. Mababaya' kau Raki' am pambayangon kau ra mapulak sabap ra maaya' kau noyo.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.