RIMBAI PANGAMPARAN 8:2 - Tanou Moonsoi Timugon

² Ibiton tokou ra baloi ru ina' kuno, am ilaan mu aku makimangkubayau. Aniin tokou ra inumon wain maamis owou am ruu' ru kawa' dalima' kuno.

RIMBAI PANGAMPARAN 8:2 ပူးပေါင်းရင်းမြစ်များ

AMSAL 9:2

Sanginan bibiag sinimbalui no bulintok mangiantak ra orou maayo, mangkutou io ra wain, am mapasulung ra akanon.

RIMBAI PANGAMPARAN 3:4

Kakalikar ku ayuk nangiruan risilo, katuum ku ambai kuno. Gapuso' ku io am kalo boo labusin ku, saboi inibit ku io minuli' ra baloi ru ina' kuno, ra lamin ri ina' ondo' naganak raki'.

RIMBAI PANGAMPARAN 4:10

Laai muno mapabansuk raki', alii ra ambai am uoton kuno. Laai muno moonsoi poyo ka wain, umau maamis owou muno maamis poyo ka ngaangai' apa' pampagamis ra akanon.

RIMBAI PANGAMPARAN 7:12

Kumarat to ra kalo poyo makatampak mato ru orou am magilong ra puun ru anggur nakatuu' noyo kia kapoam busak nano nakaungkalar noyo kia, kapoam puun dalima' nambusak noyo kia. Ra giu' no pataakon ku togom kuno rirun.

RIMBAI PANGAMPARAN 7:9

am kabang muno koson ra owou ru wain ondo' maamis kaga' owou. Koon poyo raginio, polosoon noyo wain no tumilis ra ambai kuno, ra kalo maputat-putat, tumilis ra bibil am ripon nano.

RIMBAI PANGAMPARAN 8:1

Mapara' piboo bonsoi no amon ru pongkotob tokou, ondo' pinatiti' ru ina' kuno galama', maa' raginio bulintok ra aku makatuum rirun giu' ra tanga' ru ralan, makaalok aku rirun, am kolondo' osoi-osoi pana magasab raki'.

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

GALATIA 4:26

Kaa' bandar Jirusalim ondo' popogondoon ra suruga' kalo inulipon, am io noyo koson ra ina' takau.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.