RIMBAI PANGAMPARAN 7:12 - Tanou Moonsoi Timugon

¹² Kumarat to ra kalo poyo makatampak mato ru orou am magilong ra puun ru anggur nakatuu' noyo kia kapoam busak nano nakaungkalar noyo kia, kapoam puun dalima' nambusak noyo kia. Ra giu' no pataakon ku togom kuno rirun.

RIMBAI PANGAMPARAN 7:12 ပူးပေါင်းရင်းမြစ်များ

MAZMUR 122:5

Ra giti noyo ngaangai' raja' ru Israil namarinta ra ulun ra matimpok.

MAZMUR 43:4

Aku pana mongoi ra altar Muno, iou Aki Kapuuno', sabap ra Okou noyo puun ru kaansukan kuno; marimbai aku am mangkayus ra jitor, koson mongompor Rirun, iou Aki Kapuuno', i Aki Kapuuno' kuno!

MAZMUR 73:25

Osoi poyo longgom kuno giu' ra suruga' amon sala' ka Okou? Kolondo' boo guangon kuno ra tana' ti amon sala' ka Okou.

KAINGKUALAN 25:22

Tumuum Aku rirun ra giu' no. Intor ra rasawat ru panaub no, lolot ru ruo kirub no, mangani' Aku rirun ra ngaangai' ukum Kuno tayar ru ulun ru Israil.”

AMSAL 8:17

Tagamin ku ulun ra motogom raki', ondo' totopot maguyum raki', makatuum raki'.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

RIMBAI PANGAMPARAN 2:13

Kawa' ru nunuk tumalimpuun maansak; puun ru anggur manambusak am maamis owou nano. Ibok no, alii ra kalumpusan kuno, ibok no, alii ra malinus kuno, ibok no.

RIMBAI PANGAMPARAN 2:15

Rokopo' noyo rubah-rubah ondo' boborok no, rubah-rubah ondo' manginjang ra umo ru anggur, sabap ra puun ru anggur takano mambubusak.

RIMBAI PANGAMPARAN 4:13

Giu' no masuang timinuu' ra puun dalima' mababaya' ra kinawa' ondo' mangaamis; bunga' solonggo am narwastu,

RIMBAI PANGAMPARAN 4:16

Luat no, alii ra angin ralayo. Siob no ra pagitatanaman kuno, alii ra angin rabugus; polosoo' noyo maamis owou muno iul-iul giu' ra limbowon. Gama' ru ambai kuno matong ra pagitatanaman kuno am mangakan ra kawa'-kawa' mangaamis.

RIMBAI PANGAMPARAN 6:11

Matong aku ra umo ru badam magilong ra samul ru tatanom ra limayak, tawa puun ru anggur manalantar noyo kinua', am puun ru dalima' mambusak noyo kinua'.

RIMBAI PANGAMPARAN 7:11

Ibok no kalumpusan kuno, ongoi tano ra liwar pagun am mombolong giu' ra pekan.

RIMBAI PANGAMPARAN 7:6

Mapasau kou toojo, Mantalur kou toojo, ondo' tagamin toojo ru ilo ngai' kasagain.

JISAYA 18:5

Ra kalo poyo upuon kawa' ru anggur, bulintok busak no matutu' am kawa'-kawa' no matikaansak, pantula' mamuso ra ulun ru Itiopia koson ra pais manatas ra bulisang-bulisang ru puun ru anggur.

RINALATAN 15:36

Kukula' buoi boo ragili, indagu i Paulus ri Barnabas, “Ongoyo' takau poyo ilai' ulun-ulun Kristian ra ngaangai' nampasabayan takau ra bala' intor ra Tuhan i, koson mapandayan boo rumondon ilo kia mangintopot ra Tuhan.”

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

2 KORINTUS 13:5

Kinami' min noyo guang mino koson magilong ra mangintopot kau kapoam kalo. Maaru' nakapandai kau ri Jisus Kristus soroi ramuyun, ondo' ak am ru kalo boo mangintopot kau.

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

IBRANI 2:13

Minindagu Io poyo, “Aku lumansan ri Aki Kapuuno'.” Am poyo, “Ilai', Aku giti mabaya' ra pabukat Kuno ondo' pinataak ri Aki Kapuuno' Raki'.”

IBRANI 2:15

Mansail raginio noyo mampalabus Io ra ulun ondo' moonong orou malaa' ra matoi.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.