RIMBAI PANGAMPARAN 7:1 - Tanou Moonsoi Timugon

¹ Mapara' piboo kinapasau muno, alii ra ralaa! Moonsoi pagilayan ra kalayam muno am ra tarumpak no! Bangkul ru paa muno moonsoi ra ilain koson ra limpor ondo' tinuyu' ru ulun mampalukis.

RIMBAI PANGAMPARAN 7:1 ပူးပေါင်းရင်းမြစ်များ

KASAUKAN 32:3

Kopongo raginio panusub i Jakub ra kukula' ngaulun magulu mongoi ra pagun ru Idom koson tumuum ra maayo ungkuyon nano i Isau.

MAZMUR 45:13

Ulun ru Tirus magibit ra tangguang pataakon rirun, ulun langkaya' kuminam pamunduk ra guang muno.

KAINGKUALAN 28:15

“Baali' Imam Maayo ra sampila' utau; pautawon utau no paat ra masaga' makapandai ra kasagaan ri Aki Kapuuno'. Musiti' utau no baalon intor ra bahan ondo' pakayon mambaal ra efod, am niayuk makasulam koson ra efod.

KAINGKUALAN 28:42

Baalin ilo ra saluar mariwa' intor ra konoon linon. Gawar ru saluar no intor ra awak polos ra paa, manili tampilon ra inan ondo' kalo maaya' ilain.

KAINGKUALAN 35:35

Nangani' Io risilo ra katasikan koson mambaal ra ngaangai' salinut ru kandoi ondo' binaal ru mangukir, perekabentuk, am mambaal ra konoon linon molomos, konoon bulu makabatik motomou, matanggilung am malia', am konoon-konoon ra bokon. Nakapambaal ilo ra ngaangai' salinut ru kandoi, am niayuk perekabentuk ra matasik.

RIMBAI PANGAMPARAN 7:2

Pusor muno koson ra sangkir tapupungol ondo' kalo maawayan ra wain nansasabul. Tinai' muno koson tuntur ru gandum ondo' linibungan ru bunga' bakung.

DANIL 2:32

Ulu nano binaal intor ra mas kopoyo; kubab am longon nano binaal intor ra pirok; awak am tabing nano intor ra tambaga';

LUKAS 15:22

Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

IPISUS 6:15

Am poyo kapiratan ru guang mino mampabala' ra Tanou Moonsoi ondo' magibit ra pabansayan ti, koson ra kasut min.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

KOLOSI 2:19

Ilo kalo boo mampaguut ra pangilaan motopot ra osoi i Kristus. I Kristus noyo ondo' maningganai ra inan, ioginio pasimpungan ulun Kristian, am maya' ra paningganayan nano, ilo pogondoon guang am mulu' poyo kaayagan nilo tumilu ra kasagaan ri Aki Kapuuno'. Gitio mogondo' ra inan takati ondo' tingganayon ru ulu am pasimpungon ru parangaban, tumuu'.