RIMBAI PANGAMPARAN 6:11 - Tanou Moonsoi Timugon

¹¹ Matong aku ra umo ru badam magilong ra samul ru tatanom ra limayak, tawa puun ru anggur manalantar noyo kinua', am puun ru dalima' mambusak noyo kinua'.

RIMBAI PANGAMPARAN 6:11 ပူးပေါင်းရင်းမြစ်များ

KASAUKAN 2:9

Napatuu' Io ra ngaangai' puun ondo' mongoonsoi am mapasalula' ra kawa' ondo' moonsoi. Giu' ra tatanga' ru Taman no mokoondo' puun ondo' tuminuu' ondo' mangani' ra bayag am puun ondo' mangani' ra kapandayan ra baal ondo' moonsoi am niayuk malaat.

KASAUKAN 40:10

Puun i mokoondo' talu raan. Bagu ayuk poyo nananraun, minungkalar noyo busak i am kaansak noyo kawa' ru anggur i.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

RIMBAI PANGAMPARAN 6:12

Moondom aku kaga' ra laai muno, koson ra aku moondom sumakoi ra kurita' kuda mababaya' ra ngaangai' ulun paawang ru bansa'.

RIMBAI PANGAMPARAN 6:2

Ambai kuno minongoi ra umo nano, umo nano ra apa' pampagamis ra akanon koson magalung ra tambiag nano giu' ra umo, liliwa' mangkatu' ra bunga' bakung.

RIMBAI PANGAMPARAN 7:12

Kumarat to ra kalo poyo makatampak mato ru orou am magilong ra puun ru anggur nakatuu' noyo kia kapoam busak nano nakaungkalar noyo kia, kapoam puun dalima' nambusak noyo kia. Ra giu' no pataakon ku togom kuno rirun.

RIMBAI PANGAMPARAN 7:13

Puun ru dudaim maamis owou, am masuang kawa' ra mangaamis mamaar ra kulobon tano, ondo' nabuoi noyo inupu' am niayuk nakabagu; binulian ku rirun, alii ra ambai kuno.

MARKUS 11:13

Intor ra maalur nakito No sampuun ara ondo' maawas raun no. Ongoyo' No ilai' ru mokoondo' kawa'. Kaa' pakasuku' ra puun ru ara i, ilai' No raun ayuk, sabap ra paat ragili kalo poyo pangkawaan ru ara.

LUKAS 13:7

Ginio ra indagu io ra ulun magalung ra umo nano, ‘Ilai', talu ngambilor aku no minatong ragiti maguyum ra kawa' ru ara ti, kaa' kolondo' natuum ku. Tagaro' ayuk! Kolondo' onong no tumuu' ra tana' ti.’

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

RINALATAN 15:36

Kukula' buoi boo ragili, indagu i Paulus ri Barnabas, “Ongoyo' takau poyo ilai' ulun-ulun Kristian ra ngaangai' nampasabayan takau ra bala' intor ra Tuhan i, koson mapandayan boo rumondon ilo kia mangintopot ra Tuhan.”