RIMBAI PANGAMPARAN 6:10 - Tanou Moonsoi Timugon

¹⁰ Osoi kia minatong no koson ra mato ru orou sumirang? Kinoonsoi nano koson ra bulan salawang, matawang koson ra sinda ru mato ru orou.

RIMBAI PANGAMPARAN 6:10 ပူးပေါင်းရင်းမြစ်များ

RIMBAI PANGAMPARAN 6:4

Okou kalumpusan kuno, kinantalur muno koson ra bandar Jirusalim, koson ra kinaantak ru bandar Tirja. Makabunduk kou kaga' ra guang koson ra bandar-bandar ra maayo no.

PINAINTALANG 12:1

Giu' boo ra limbowon no makito ra rondo' tatandu' makaimuag. Sangulun ruandu' nambayang ra mato ru orou am koson kimininjang io ra bulan. Nanasampak io ra karaun ondo' binaal ra mopor am ruo butitin.

AYUP 31:26

Kalo igondo' aku samba ra mato ru orou ondo' makasinda ra mapaang, kapoam sila' ondo' makasinda ra moonsoi.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

JISAYA 58:8

Sinda pana sumila' rirun koson ra susuab ti, am pipilat muno mapali' mataki'. Masalok Aku mabaya' ramuyun koson mamayag ramuyun. Ratangan Kuno manindung ramuyun intor ra nansalinut linsuk.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

2 SAMUIL 23:4

raja' no koson ra sirang ru mato ru orou ra susuab ti paat ra susuab toojo bulintok ru matawang limbowon no. Io koson ra sirang ru mato ru orou malupus rumasam, ondo' mambaal ra sakot moonsoi kinasansam ra manguliat.”

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

ROMA 8:37

Kaa' ralalom ru ngaangai' baal raginio kamanangan moowot takano maayo, sabap ra motogom i Kristus ritakau.

MATIUS 13:43

Baal ru ulun motopot pana makito boo ru ngaangai' koson ra silau ru mato ru orou giu' ra Tana' Bagu ri Aki Kapuuno', Ama' nilono. Rongogo' am karaa' min!”

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

JISAYA 63:1

“Osoi kia io minatong intor ra bandar Bojra giu' ra Idom? Osoi kia io nambayang ra malia' am mugar ra maikang kaga'?” “Io Tuhan ondo' makakuasa' koson mamayag. Io matong koson mapabala' ra kamanangan Nano.”

RIMBAI PANGAMPARAN 8:5

Osoi kia minatong intor ra tana' kaagisan no, siminandig ra ambai nano? Karaton tokou ra saau ru puun ipol, intok naganakan rirun.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

MAZMUR 14:5

Ulun malaat malaa', sabap ra i Aki Kapuuno' mangindangan ra ulun ondo' gumagaya' Riso.

AYUP 11:17

Kaayagan muno masauk ra matawang poyo intor ra sinda mato ru orou paat matawang, am paat ra molondom ralalom kaayagan muno mapaang koson ra paat susuab ti.

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

RIMBAI PANGAMPARAN 1:15

Mapara' piboo kinantalur muno, alii ra kalumpusan kuno, mantalur kou kaga'! Mato muno koson ra mato ru susuit asang.