RIMBAI PANGAMPARAN 5:7 - Tanou Moonsoi Timugon

⁷ Magagalung ra bandar nakatuum raki'; linamba' am jinamaran nilo aku; magagalung ra timbok ru bandar nampagaau ra sakiking kuno.

RIMBAI PANGAMPARAN 5:7 ပူးပေါင်းရင်းမြစ်များ

MAZMUR 141:5

Masaga' aku mangapu ra ukuman am sawai intor ra ulun moonsoi, kaa' kalo masaga' aku mangapu ra pangamparan intor ra ulun malaat sabap ra magail aku makiasi' manggal ra kalaatan nilono.

RIMBAI PANGAMPARAN 3:3

Magagalung ra bandar makakito raki'. Mangkuot aku risilo, “Natuum min kia ambai kuli?”

RIMBAI PANGAMPARAN 5:6

Ukabin ku ambai kuno ra kulobon, kaa' minugar iono. Moondom aku kaga' ra bolos nano. Uyumon ku io kaa' kalio natuum ku; piawon ku io, kaa' kalo tumaam io.

RIMBAI PANGAMPARAN 5:8

Pangatang no ra bantu', alii ra ralaa-ralaa ru Jirusalim, amon ru matuum min ambai kuli, balai' io ra laai kuno riso tutuyangon ku.

RIMBAI PANGAMPARAN 8:11

Raja' Salomo makaumo ru anggur giu' ra Baal-Gamon. Umo nano pinairaan no ra ulun-ulun manangumo; sigagama' mambayar riso ra saribu ruit pirok koson ra ampos nano.

JISAYA 3:23

bayang magasil, parasa' linon, sapak, am sakiking maawar.

JISAYA 62:6

Giu' ra timbok muno, okou Jirusalim, paayanon Ku mantatamung; orou rondom kalo mokopongkoror ilo, kaa' musiti' ilo mapakara' ra Tuhan intor ra bantu' Nali, maa' raginio kalo malilianan No.

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

MATIUS 23:2

“Mangingila' ra Ukum ri Musa am ulun ru Parisi ti noyo inanian ra kuasa' mampaintutun ra Ukum ri Musa.

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

2 KORINTUS 11:13

Sabap ra ilo ti sala' ka rasul ra motopot. Maabau-abau am sumalu ilo ti ra rasul ri Kristus ondo' motopot.

PILIPI 3:6

Gitio noyo nangkinibit ra aku nangimbolo' ra ulun-ulun Kristian no. Am intor ra katapatan poyo, ioginio ati kulaan aku giminagaya' ra susuban ru Ukum ri Musa, kalo igondo' aku pakasala.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.