RIMBAI PANGAMPARAN 5:6 - Tanou Moonsoi Timugon

⁶ Ukabin ku ambai kuno ra kulobon, kaa' minugar iono. Moondom aku kaga' ra bolos nano. Uyumon ku io kaa' kalio natuum ku; piawon ku io, kaa' kalo tumaam io.

RIMBAI PANGAMPARAN 5:6 ပူးပေါင်းရင်းမြစ်များ

KASAUKAN 42:28

Golok io ra pagaka'-pagaka' nano, “Pinasaguli' ruit kutu. Gitio nai, ralalom ru karung kuti.” Ponontol pusu' nilo am ra ilo nangalaa' pasakuot ilo ra rondo' am bokon, “Atan kia binaal ri Aki Kapuuno' ritakau?”

2 SAMUIL 16:10

Kaa' indagu raja' no ri Abisai am maayo nano i Joab, “Pai' sombot. Polosoon ayuk io magulas raki'. Amon ru manusub Tuhan riso magulas raki', osoi kia makakau' mangkuot kua baalo' no ginio?”

MAZMUR 28:1

Mazmur ri Daut. Iou Tuhan, manungka' raki', mampiau aku Rirun. Rongogo' noyo golok kutu! Amon ru kalo iowon Mu pakiasian kutu, aku ti koson ayuk ra ulun ondo' sumubol ra luang ru lobong.

MAZMUR 30:7

Bulintok ra naayag, mindagu aku, “Kalo maala aku risilo.”

MAZMUR 69:3

matikolosor aku ra losok malandom, am kolondo' kinjangan; nalinjob aku ra timug malandom, am kinulun ru timug mamaar poyo mopolosor raki'.

MAZMUR 77:3

Bulintok ra aku makakapaganan makiasi' aku ra Tuhan; masuaban aku mopotoroi ra longon liliwa' makiasi', kaa' kalo maansukan aku.

MAZMUR 80:4

Patapulio' akai, iou Aki Kapuuno'! Pakaasi' no ramon maa' raginio maayag akai!

AMSAL 1:28

Bulintok raginio mampiau kau raki', kaa' kalo taamon takamin. Maguyum kau raki' ra ati-ati ayuk kaa' kalo matuum min aku.

RIMBAI PANGAMPARAN 5:2

Mombolong aku kaa' guang kuno kalo mokororot. Iningo' noyo, ambai kuno nanitik ra kulobon. Iowo' aku mumpos, okou kalumpusan kuno, susuit asang kuno, kawa' ru guang kuno. Naasa' ulu kuno sabap ra bolobou, am abuk kuno natikop ra posok ru bolobou ru rondom.

RIMBAI PANGAMPARAN 5:4

Gaak-gaak ayuk guang kutu, sabap ra ambai kuno giminuut ra pangukaban ra kulobon.

RIMBAI PANGAMPARAN 6:1

Alii ra ruandu' ra mantalur kaga', ati kia inongoi ru ambai muli? Pambala' no ati inongoi nali, maa' raginio maindangan mai okou maguyum riso.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JISAYA 57:16

Aku noyo napaayag ra ulun Kuno. Kalo rayusin Ku manguu' risilo, am kalo masalok sumangit risilo.

JISAYA 58:2

Moonong orou ilo sumamba Raki', am makibala' ilo ra atan kasagaan Kuno, koson ayuk ilo no mambaal ra moonsoi, am gumagaya' ra ukum Kuno. Mindagu ilo ra matasu' ilo sumamba Raki' am kitaakon nilo ukum Kuno ondo' matimpok.”

JISAYA 8:17

Nansibuni Tuhan no intor ra ulun Nano, kaa' mangintopot aku am malansan Riso.

SULABOI 3:8

Giminolok aku makiindangan, kaa' marara' i Aki Kapuuno' mangkirongog raki'.

GOSIA 5:15

Iruanin Ku ulun Kuno saboi maimbolo' ilo kaga' sabap ra tula nilo, am matong ilo maguyum Raki'. Maaru' lair ra ralalom ru kaimbalaan, mirot ilo maguyum Raki'.”

GOSIA 5:6

Maguyum ilo ra Tuhan am nagibit ra domba am sapi' koson ra taak simbalui, kaa' binaal raginio kolondo' onong. Kalo nakatuum ilo ra Tuhan, sabap ra nangiruan ilo risilo.

JAKARIA 7:13

Kalo tinaam Ku pakiasian nilo sabap marara' ilo rumongog paat ra Aku mindagu.

MATIUS 26:75

Kakara' boo ri Pitrus ragu ri Jisus riso, “Kalo poyo maningkuluuk manuk tandaa' no, intalu kono mindagu ra kalo makaulig Raki'.” Ingkual i Pitrus am sisingut nantangi'.

MARKUS 14:72

Paat ragili niayuk kainduo ru manuk tandaa' i naningkuluuk. Kakara' boo ri Pitrus ragu ri Jisus riso, “Kalo poyo minduo paningkuluuk manuk tandaa' no, intalu kono indagu kalo makaulig Raki'.” Pantatangi' boo i Pitrus.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.