RIMBAI PANGAMPARAN 5:2 - Tanou Moonsoi Timugon

² Mombolong aku kaa' guang kuno kalo mokororot. Iningo' noyo, ambai kuno nanitik ra kulobon. Iowo' aku mumpos, okou kalumpusan kuno, susuit asang kuno, kawa' ru guang kuno. Naasa' ulu kuno sabap ra bolobou, am abuk kuno natikop ra posok ru bolobou ru rondom.

RIMBAI PANGAMPARAN 5:2 ပူးပေါင်းရင်းမြစ်များ

KASAUKAN 29:20

Pangandoi boo i Jakub buoi tulu' ngambilor koson manangandu' ri Ragil, am buoi ru ginio ra pamaguangan ri Jakub koson kukula' ngoorou ayuk sabap ra laai no ri Ragil.

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

MAZMUR 81:10

Pai' kau samba ra tuhan ra bokon.

AMSAL 23:26

Alii ra anak kuno, imansai' toojo am bayaa' bayag kuno.

RIMBAI PANGAMPARAN 1:16

Mapara' piboo kinaindon muno, alii ra kalumpusan kuno, maindon kou kaga'! Sakot masansam intok tano miluluya';

RIMBAI PANGAMPARAN 2:10

Ambai kuno mindagu raki'. Ibok no, alii ra kalumpusan kuno, ibok no, alii ra malinus kuno, ibok no.

RIMBAI PANGAMPARAN 2:14

Koson kou ra susuit asang ondo' mansibuni ra kabatuan. Polosoo' aku no magilong ra bulos muno ra mantalur, polosoo' aku no mangkirongog ra bolos muno ondo' matangil.

RIMBAI PANGAMPARAN 2:8

Maining ku bolos ru ambai kuno. Nasimbul io mongoi raki' mansail ra bulur am gunung.

RIMBAI PANGAMPARAN 3:1

Rondom karondom, giu' ra katil kuno, maupi ku ambai kuno; uyumon ku io kaa' kalo matuum ku.

RIMBAI PANGAMPARAN 4:7

Mapara' piboo kinantalur muno, alii ra kalumpusan kuno, kolondo' pipilat muno.

RIMBAI PANGAMPARAN 4:9

Okou ambai am uoton kuno, Mato am sisigot muno nakabunduk ra guang kuno.

RIMBAI PANGAMPARAN 5:11

Ulu nano koson ra mas, mas ra pinasau, abuk nano talilingkong, maitom koson ra susuit bangkaak.

RIMBAI PANGAMPARAN 5:6

Ukabin ku ambai kuno ra kulobon, kaa' minugar iono. Moondom aku kaga' ra bolos nano. Uyumon ku io kaa' kalio natuum ku; piawon ku io, kaa' kalo tumaam io.

RIMBAI PANGAMPARAN 6:9

kaa' sangulun ayuk tagamin ku, am mapasau io koson ra susuit asang; anak langkuir kalumpusan ru ina' nano. Ngaangai' ralaa magilong am mongompor riso, andu' ru raja' am ruandu' parulug makasioro' riso.

RIMBAI PANGAMPARAN 7:9

am kabang muno koson ra owou ru wain ondo' maamis kaga' owou. Koon poyo raginio, polosoon noyo wain no tumilis ra ambai kuno, ra kalo maputat-putat, tumilis ra bibil am ripon nano.

RIMBAI PANGAMPARAN 8:7

Timug ra masuang kalo makalasa' ra pangkubayawan, timug ru liur kalo mokolosor riso. Amon ru sangulun mapataak ra nansalinut rapu' nano koson pambabali ra pangkubayawan, maaru' pagasaban maalap nano.

JISAYA 50:6

Patungayon ku tumbung kuno ra ulun ondo' mampalamba' raki'; am pingas kuno ra ulun ondo' mamubul ra jangut kuno. Kalo patalikuron ku bulos kuno bulintok ra aku asabin am tiwagin.

JISAYA 52:14

Galing i masuang ulun makatigog magilong riso, bulos nano pinilatan saboi koson sala' boo ka ulun.

DANIL 8:18

Tatanga' aku mindagu, naratu' aku ra tana' am nalausan. Kaa' ginuut no aku, am nangindangan raki' migor.

JAKARIA 4:1

Malaikat ondo' minindagu raki' no minatong poyo am nangkarat raki' koson ayuk ondo' tatanga' nombolong.

MATIUS 7:8

Moonong ulun makitaak, aniin; moonong ulun maguyum, makatuum; moonong ulun manitik ra kulobon, ukabin io.

MATIUS 8:17

Gitio binaal i Jisus maa' raginio masauk boo ragu ru nabi Jisaya, “Io galama' nagibit ra kapaganan am napainggalur ra atan ayuk maruol takau.”

MARKUS 1:35

Suabon no, maar matawang, luat i Jisus am ongoi ra lisar ru pekan. Minongoi Io ra intok masiluk sabap ra makiasi' Io ra giu' no.

LUKAS 22:44

Maimbolo' Io tojojo am mapirot Io poyo nakiasi', saboi rasang Nano koson ra raraa' momosok ra tana'.

LUKAS 6:12

Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

LUKAS 9:32

Paat ragili nakalunus i Pitrus am rangan-rangan nano. Kaa' kakarat ilo am kakito nilo i Jisus nabaya' ra katulayan Nano am mokoondo' poyo ruo ngaulun minigor nabaya' Riso.

JUANIS 10:4

Maingkual no sampanon ru domba no, magulu boo magagalung no am sumunu' ilo riso sabap ra mauligan nilo bolos nano.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.

PINAINTALANG 3:20

Iningo'! Migor Aku ra kulobon am manitik. Amon ru mokoondo' makaining ra bolos Kuno am mangukab ra kulobon no, mumpos Aku ra baloi nano am mangakan magulung riso, am mangakan io magulung Raki'.

PINAINTALANG 3:4

“Kaa' mokoondo' intor ramuyun ra bandar Sardis ondo' kalo minaya' mambaal ra tula, ioginio kalo jinamalan kau. Mababaya' kau Raki' am pambayangon kau ra mapulak sabap ra maaya' kau noyo.