RIMBAI PANGAMPARAN 5:16 - Tanou Moonsoi Timugon

¹⁶ Molomoi kaga' ragu-ragu nano, atan linonggom nano namunduk ra guang kutu. Gitio noyo ambai kuno am rangan kuno, alii ra ralaa-ralaa ru Jirusalim.

RIMBAI PANGAMPARAN 5:16 ပူးပေါင်းရင်းမြစ်များ

2 SAMUIL 1:23

“Raja' Saul am i Jonatan, kasagain am tagamin, kalo nantuliar ralalom ru bayag am matoi; matasik ilo poyo intor ra kanui, am maikang poyo intor ra singa'.

MAZMUR 119:103

Mapara' piboo tamis ru rinagu Muno, matamis poyo intor ra ruu' ru maningot!

MAZMUR 148:13

Ilo ngaangai' no musiti' mongompor ra inggalan ru Tuhan! Matulai poyo Io ka bokon no; maayo poyo kuasa' Nano kaa' ngaangai' soroi ra tana' ti am suruga'.

MAZMUR 19:10

Mangandoi ayuk ra Tuhan no moonsoi, kolondo' pupus no. Nangaruan ru Tuhan no matimpok, kalo magimbas ra sapapa'.

MAZMUR 45:2

Guang kutu napanu' ra ragu-ragu maamis bulintok ra aku nambaal ra rimbai pasukuon ra raja'; rila' kutu koson ayuk ra santaun pamamatik ru sangulun mamamatik ra sisindiron.

MAZMUR 89:6

Ngaangai' suang ru suruga' mongompor ra kaimuagan ondo' binaal muno, am marimbai ra gagaya' Muno, iou Tuhan.

RIMBAI PANGAMPARAN 1:16

Mapara' piboo kinaindon muno, alii ra kalumpusan kuno, maindon kou kaga'! Sakot masansam intok tano miluluya';

RIMBAI PANGAMPARAN 1:2

Alaki' aku no ra bibil muno; laai muno moonsoi poyo ka wain.

RIMBAI PANGAMPARAN 1:5

Akau ralaa-ralaa ru Jirusalim, kabalu' pana maitom aku kaa' mantalur aku; kabalu' pana maitom aku koson ra kim ru Kidar, kaa' mantalur aku koson ra tabir giu' ra istana ri Salomo.

RIMBAI PANGAMPARAN 2:1

Aku bunga' mawar giu' ra Saron, bunga' bakung giu' ra tilung ru gunung.

RIMBAI PANGAMPARAN 2:16

Kubayau kuno aku tatangan, am aku io tatangan. Magalung io ra domba nano magiantanga' ra bunga' bakung

RIMBAI PANGAMPARAN 2:3

Koson ra puun ru ipol ondo' nakapangkilolot timinuu' giu' ra kataunan, koon raginio noyo kalumpusan kuno ra gino ngai' ungkuyon. Masaga' aku sumindung ra saau nano, kawa' nano maamis ra akanon.

RIMBAI PANGAMPARAN 4:3

Bibil muno koson ra ribin malia', am kabang muno mapasau. Pingas muno koson ra lapak ru kawa' dalima' nasibuni ra rundung muno.

RIMBAI PANGAMPARAN 6:3

Ambai kuno aku tatangan, am aku pana io tatangan; Tatanga' io magalung ra tambiag nano magiantanga' ra bunga' bakung.

RIMBAI PANGAMPARAN 7:9

am kabang muno koson ra owou ru wain ondo' maamis kaga' owou. Koon poyo raginio, polosoon noyo wain no tumilis ra ambai kuno, ra kalo maputat-putat, tumilis ra bibil am ripon nano.

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

JIRIMIA 3:20

Kaa' koson ra andu' ondo' kalo gumagaya', okou pana kalo gumagaya' Raki'. Aku, Tuhan nakaindagu noyo.”

GOSIA 3:1

Indagu Tuhan raki', “Ongoi poyo am kasaga' no ra sangulun ruandu' ondo' masaga' mansawa'. Tagami' noyo io koson ra Aku motogom ra ulun ru Israil, kabalu' pana nangiruan ilo noyo Raki' am siminamba ra tuhan-tuhan ra bokon, am niayuk masaga' mampataak ra kuui kismis ra sinungkalalaing.”

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

JAKUBUS 2:23

Ginio ra nontopot toojo ragu ru Buuk Kitab ra, “I Abragam nangintopot ri Aki Kapuuno', am sabap ragitio i Aki Kapuuno' nangapu riso koson sangulun motopot.” Ginio boo puun i Abragam ti sinabit ra ‘Rangan ri Aki Kapuuno' ’.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.