RIMBAI PANGAMPARAN 5:14 - Tanou Moonsoi Timugon

¹⁴ Kalindu' nano moonsoi, am sinulungan no sinsing mas am intan. Inan nano koson ra gading binungaan ra batu nilam.

RIMBAI PANGAMPARAN 5:14 ပူးပေါင်းရင်းမြစ်များ

AYUP 28:16

Mas am intan ondo' mologo kaga' kalo mokogondo' ra logo nano.

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

KAINGKUALAN 15:6

Iou Tuhan, ikang Muno, makaimuag kaga', nanutuk Kou ra pantula' saboi natutuk kaga'.

KAINGKUALAN 24:10

am kakito nilo i Aki Kapuuno' ru Israil. Minigor Io ra rasawat ru rondo' koson ra sulig intor ra batu nilam, ondo' motomou koson ra limbowon matawang.

KAINGKUALAN 28:18

baris karuo; patakinon batu jamrud, batu nilam am batu berlian;

KAINGKUALAN 28:20

am baris kaapat patakinon batu biril, batu sardis am batu jaspir. Musiti' ngaangai' parmata no bongkoson ra bingkai mas.

KAINGKUALAN 39:13

baris kaapat tinakinan ra batu biril, batu sardis am batu jaspir. Ngaangai' batu parmata no kiniingan ra bingkai mas.

RIMBAI PANGAMPARAN 7:2

Pusor muno koson ra sangkir tapupungol ondo' kalo maawayan ra wain nansasabul. Tinai' muno koson tuntur ru gandum ondo' linibungan ru bunga' bakung.

JISAYA 52:13

Indagu Tuhan, “Sotopot no, ulipon Kuno makaampos; omporon io am urumaton.

JISAYA 54:11

Mindagu Tuhan, “Okou Jirusalim, bandar ondo' majamaran, kolondo' lulu' muno am kolondo' mangansuk. Lonor-lonor muno pabantaan Ku saguli', ra batu-batu mokologo.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

YEHEZKIEL 1:16

Kaapat-apat luda' no nogondo' ayuk baal no am manguliat koson ra batu intan, am moonong luda' mokoondo' rondo' luda' ra bokon ondo' nakatiampal giu' ra tatanga' no.

DANIL 10:6

Inan nano kukuliat koson ra intan; bulos nano mapaang koson ra paang ru ganit, am mato nano bibilak koson ra apui. Kalindu' am kalayam nano manguliat koson ra tambaga' ondo' bagu inisasan, am bolos nano koson ra ngonsol ru ulun masuang.