RIMBAI PANGAMPARAN 5:1 - Tanou Moonsoi Timugon

¹ Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

RIMBAI PANGAMPARAN 5:1 ပူးပေါင်းရင်းမြစ်များ

KASAUKAN 37:25

Liliwa' ilo magakan, kakito nilo sampulalayan ulun ru Ismail ondo' mangkiralan intor ra Giliad mongoi ra pagun ru Misir. Unta nilono pinagaut ra apa' pampagamis ra akanon am salong.

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 16:3

Mapara' bobonsoi ru ulun ondo' mampagagaya' ri Aki Kapuuno'! Gumogot aku toojo mababaya' risilo.

AMSAL 24:13

Alii ra anak kuno, akan kau ra ruu' maningot sabap ra ruu' no moonsoi. Koson ra ruu' intor ra tambaloi ru maningot matamis ra akanon,

AMSAL 9:5

“Pangakan takau ra akanon pinasulung kutu am panginum takau ra wain ondo' kinutou kutu.

MAMPATANOU 2:5

Mangandoi ra taman am umo ondo' tinanaman ku ra masuang kaga' puun ru kinawa'.

RIMBAI PANGAMPARAN 1:13

Ambai kuno koson ra mur ondo' maamis owou, bulintok ra io lumuya' ra kubab kuno.

RIMBAI PANGAMPARAN 4:16

Luat no, alii ra angin ralayo. Siob no ra pagitatanaman kuno, alii ra angin rabugus; polosoo' noyo maamis owou muno iul-iul giu' ra limbowon. Gama' ru ambai kuno matong ra pagitatanaman kuno am mangakan ra kawa'-kawa' mangaamis.

RIMBAI PANGAMPARAN 4:8

Ratong no raki', okou uoton kuno, tuun no intor ra Libanon; ratong noyo raki' intor ra kagunungan Libanon. Pambusul no intor ra tampak ru Amana, intor ra tampak ru Sinir am Girmon, intokon ru singa' am ampunguon mumbir.

RIMBAI PANGAMPARAN 6:11

Matong aku ra umo ru badam magilong ra samul ru tatanom ra limayak, tawa puun ru anggur manalantar noyo kinua', am puun ru dalima' mambusak noyo kinua'.

RIMBAI PANGAMPARAN 6:2

Ambai kuno minongoi ra umo nano, umo nano ra apa' pampagamis ra akanon koson magalung ra tambiag nano giu' ra umo, liliwa' mangkatu' ra bunga' bakung.

RIMBAI PANGAMPARAN 8:1

Mapara' piboo bonsoi no amon ru pongkotob tokou, ondo' pinatiti' ru ina' kuno galama', maa' raginio bulintok ra aku makatuum rirun giu' ra tanga' ru ralan, makaalok aku rirun, am kolondo' osoi-osoi pana magasab raki'.

RIMBAI PANGAMPARAN 8:13

Rorongogon ku ayuk bolos muno giu' ra umo, alii ra kalumpusan kuno; rangan-rangan kuno maginaa koson mangkirongog ra bolos muno.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

JISAYA 5:1

Rongogo' noyo rimbai kutu, tunung koson ra rangan kuno am umo ru anggur nano: Rangan kuno mokoondo' sampila' umo ru anggur giu' ra bulur ondo' malabung.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JISAYA 61:11

Koson ra unor pinatias tumuu' am sumawat, ginio niayuk ra Tuhan Raja' mamayag ra ulun Nano, am ngaangai' bansa' mongompor riso.

JISAYA 65:13

Sotopot no, ulun ra sumamba Raki' am gumagaya' Raki' makaalap ra masuang akanon am inumon, kaa' maitilan am paason kau. Maansukan ilo kaa' asabin kau.

JISAYA 66:14

Paat ra akau makakito ra kasaukan raginio, maansukan kau. Maligag kau koson ra sakot malabung. Bagu no makapandai kau ra Aku, Tuhan mangindangan ra ulun ondo' gumagaya' Raki', am pakitonon Ku sangit Kuno ra pantula' Kuno.”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

LUKAS 12:4

“Pabukat kau ngaangai', karaa' min, pai' kau kalaa' risilo ondo' mamatoi ra inan, kaa' malupus raginio kolondo' kuasa' mambaal ra atan ondo' malaat poyo.

JUANIS 3:29

Koson niayuk ra paguguatan: Ungkuyon uatin mokoowot ra andu'; kaa' mamparangan ra ungkuyon uatin ti ondo' mangkirongog riso pana maansukan. Ginio nai ra raino ti maansukan aku toojo,

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

TINGGANAI RU BANSA' 14:11

Paat ra ulun ru Palistin nakakito ri Simson, nanusub ilo ra talu ngoopor ngaulun ungkuyon mamulok mamparangan riso.

TINGGANAI RU BANSA' 14:20

Andu' ri Simson pana pinataak boo ra ulun ondo' nasauk ra mamaya' ri Simson paat ra paguatan.