RIMBAI PANGAMPARAN 4:6 - Tanou Moonsoi Timugon

⁶ Mongoi aku ra gunung mur am giu' ra bulur kaminyan, saboi angin ra susuab ti sumiob am kalandaman ra rondom matatak.

RIMBAI PANGAMPARAN 4:6 ပူးပေါင်းရင်းမြစ်များ

MAZMUR 66:15

Pataakon ku tinambiag ra kinolomok koson patunuon ra altar; pataakon ku taak ioginio sapi' gawayan am kambing, am lisun nano sumimpor ra limbowon.

KAINGKUALAN 20:24

Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

KAINGKUALAN 30:8

Musiti' no baalon ondo' mogondo' paat ra io mansikit ra lampung no tampilon ra mai' ti. Musiti' taak kaminyan no rayuson baalo' ra sabuoi-buoi no.

KAINGKUALAN 37:29

Pambaal niayuk i Bijalil ra umau upacara ondo' mapasau, am kaminyan kopoyo ondo' maamis owou, ondo' pinaratok koson ra umau maamis owou.

RIMBAI PANGAMPARAN 2:17

saboi angin ru susuab ti sumiob am kalandaman pana matatak. Saguli' no, alii ra kalumpusan kuno, koson ra paus, koson ra anak ru tambang giu' ra kagunungan Bitir.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

RIMBAI PANGAMPARAN 4:14

kunyit, tabu, kaningau, am nansalinut kaminyan; mur am gaharu am nansalinut apa' pampagamis ra akanon napili'.

RIMBAI PANGAMPARAN 8:14

Ibok no, alii ra ambai kuno, ratong no koson ra sanginan paus, koson ra anak ru tambang rasawat ru gunung intok nantanaman ra apa' pampagamis ra akanon.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

LUKAS 1:78

Tuhan takano mataau am makaasi' kaga' am matong Io mamayag ritakau. Koson niayuk ra mato ru orou sumirang paat ra susuab,

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

1 JUANIS 2:8

Kabalu' pana koson raginio, panusuban ra tulisin kutu nakabagu niayuk. Katapatan ra panusuban ragitio makito intor ra kaayagan ri Jisus Kristus am niayuk kaayagan min. Molondom tumalimpuun noyo mairu' am binusasal ondo' motopot pabulowo.

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.