RIMBAI PANGAMPARAN 4:14 - Tanou Moonsoi Timugon

¹⁴ kunyit, tabu, kaningau, am nansalinut kaminyan; mur am gaharu am nansalinut apa' pampagamis ra akanon napili'.

RIMBAI PANGAMPARAN 4:14 ပူးပေါင်းရင်းမြစ်များ

KASAUKAN 43:11

Indagu boo ama' nilono, “Amon ru ginio poyo, baalo' min noyo. Pagibit kau ra karung mino ra ampos moonsoi kaga' intor ra pagun ti koson taak ra gabenor no, sanganu damar, sanganu ruu' maningot, apa' pampagamis ra akanon, kawa' pistasio am kawa' Badam.

1 RAJA'-RAJA' 10:10

Raja' ruandu' ru pagun ru Syiba nampataak ra tangguang-tangguang ondo' inibit nano ra Raja' Salomo, iono mas nasailan 4,000 ngakilogram, apa' pampagamis ra akanon am niayuk batu parmata ondo' masuang kaga'. Tutuu' pampagamis ra akanon ondo' pinataak ru raja' ruandu' no ra Raja' Salomo iono ondo' masuang kaga' ondo' igondo' naapu ru Raja' Salomo. (

2 TUNUNG RU BANSA' ISRAIL 9:9

Raja' ruandu' ru pagun Syiba nampataak ra taak-taak ondo' inibit nano ra Raja' Salomo, iono nasailan intor ra 4,000 ngakilogram mas, am apa' pampagamis ra akanon am niayuk intan ondo' masuang kaga'. Kalo igogondo' Raja' Salomo nangapu ra apa' pampagamis ra akanon ondo' moonsoi kaga' no koson ra ondo' tinaak ru raja' ruandu' ru pagun Syiba. (

MAZMUR 45:8

Okou monogom ra baal-baal motopot am masisang ra baal-baal malaat. Ginio ra, i Aki Kapuuno', i Aki Kapuuno' muno nampili' rirun, am mapabansuk poyo rirun intor ra raja'-raja' ra bokon.

KAINGKUALAN 30:23

“Alap ra apa' pampagamis ra akanon ondo' moonsoi kaga': Onom ngakilogram mur timug, talu ngakilogram kulapa' ru kaningau maamis owou, talu ngakilogram tabu maamis owou,

AMSAL 7:17

Kinupilan ku kaalangan no ra owou maamis ru mur, gaharu am kaningau.

RIMBAI PANGAMPARAN 1:12

Bulintok ra raja' kuno giu' ra luyaan nano, maalok maamis owou ru narwastu kuno.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

RIMBAI PANGAMPARAN 4:6

Mongoi aku ra gunung mur am giu' ra bulur kaminyan, saboi angin ra susuab ti sumiob am kalandaman ra rondom matatak.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

RIMBAI PANGAMPARAN 6:2

Ambai kuno minongoi ra umo nano, umo nano ra apa' pampagamis ra akanon koson magalung ra tambiag nano giu' ra umo, liliwa' mangkatu' ra bunga' bakung.

UNTABAN 24:6

koson ra barisan maawar ru puun kurma, kapoam koson ra taman giu' ra kiing ru sungoi; koson ra puun gaharu ondo' tinanom ru Tuhan, kapoam koson ra puun sidar giu' ra kiing ru timug.

MARKUS 16:1

Kopongo orou Sabat, i Maria Magdalina, Maria ina' ri Jakubus am i Salomi minongoi pambali ra apa' maamis owou koson pakupilon ra baangkai ri Jisus.

JUANIS 19:39

I Nikodimus pana minaya' ri Jusup, io no ondo' ragili igondo' minuma' ri Jisus paat ra iorondom. I Nikodimus ti nagibit ra apa' pampagamis ra owou ondo' pinaratok ra mur am gaharu, ondo' bagat ringai' ti talu ngoopor ngakilo.

PINAINTALANG 18:13

am kaningau, apa' pampagamis ra akanon, salong, mur am kaminyan; wain am umau; tapung am gandum; sapi' am domba, kuda am kurita', am ulun pana tinalan, ioginio ulipon.