RIMBAI PANGAMPARAN 2:14 - Tanou Moonsoi Timugon

¹⁴ Koson kou ra susuit asang ondo' mansibuni ra kabatuan. Polosoo' aku no magilong ra bulos muno ra mantalur, polosoo' aku no mangkirongog ra bolos muno ondo' matangil.

RIMBAI PANGAMPARAN 2:14 ပူးပေါင်းရင်းမြစ်များ

AYUP 9:16

Amon ru mangiou Io ra aku mindagu, kalo mangintopot Aku ra mangkirongog Io raki'.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 22:3

Orou ti mampiau aku Rirun, iou Aki Kapuuno', kaa' kalo tumaam Kou; bulintok molondom mampiau aku, kaa' lakat guang magalabo.

MAZMUR 45:11

Rongogo' noyo ragu-ragu kutu, okou andu' raja', liliani' noyo bansa' am niayuk pabukat muno.

MAZMUR 45:12

Kinapasau muno nakabunduk ra guang ru raja', okou longgom ru raja', gagaya' no riso.

MAZMUR 50:23

Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

MAZMUR 68:13

“Ngaangai raja' am saujor nagigiru' noyo!” Ruandu' ra baloi mantayar ra kuliamos ondo' ginaau, am ondo' natatang magagalung ra domba bulintok ra mangayou

MAZMUR 74:19

Pai' pataako' ulun Muno ondo' kolondo' lulu' no ra pantula' ondo' malaat kaga'; pai' liliani' ulun Muno ondo' inimbolo'!

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

RIMBAI PANGAMPARAN 1:15

Mapara' piboo kinantalur muno, alii ra kalumpusan kuno, mantalur kou kaga'! Mato muno koson ra mato ru susuit asang.

RIMBAI PANGAMPARAN 1:5

Akau ralaa-ralaa ru Jirusalim, kabalu' pana maitom aku kaa' mantalur aku; kabalu' pana maitom aku koson ra kim ru Kidar, kaa' mantalur aku koson ra tabir giu' ra istana ri Salomo.

RIMBAI PANGAMPARAN 1:8

Kalo kia nakapandai kou ra intok nano, alii ra ruandu' ra mantalur kaga'? Bayaa' noyo babaya' ru sampanon bibiag tinambiag, am alungi' noyo ngaangai' anak ru kambing muno mamaar ra kim ru magagalung-magagalung.

RIMBAI PANGAMPARAN 5:2

Mombolong aku kaa' guang kuno kalo mokororot. Iningo' noyo, ambai kuno nanitik ra kulobon. Iowo' aku mumpos, okou kalumpusan kuno, susuit asang kuno, kawa' ru guang kuno. Naasa' ulu kuno sabap ra bolobou, am abuk kuno natikop ra posok ru bolobou ru rondom.

RIMBAI PANGAMPARAN 8:13

Rorongogon ku ayuk bolos muno giu' ra umo, alii ra kalumpusan kuno; rangan-rangan kuno maginaa koson mangkirongog ra bolos muno.

JISAYA 2:21

Bulintok Tuhan matong manguyog ra tana' ti, ulun mansibuni ralalom ru luang batu giu' ra kabatuan bulur koson tumuliar intor ra sangit Nano, am mansibuni intor ra kuasa' am niayuk katulayan Nano.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 60:8

Atan kia mansiab koson ra gaun, koson ra susuit asang ondo' mansiab muli'?

JIRIMIA 48:28

“Mamagun kau ru Moab, iruani' bandar-bandar mino! Ongoi no ra bulur batu am ayan no ra giu' koson ra susuit asang ondo' nanabunsut giu' ra tobo ru lagam.

JIRIMIA 49:16

Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

YEHEZKIEL 7:16

Mokoondo' ulun ondo' nagiru' ra gunung koson ra susuit asang mansiab intor ra limayak sabap ra malaa'. Ilo ngaangai' nampalaa sabap ra tula nilo.

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

OBAJA 1:3

Rinuung kau ru limbau mino. Pusor bandar min noyo kubu ru batu ondo' mapiot; intok ayanan min giu' ra tampak ru gunung ondo' masawat. Ginio sabap ra akau mangkara', ‘Osoi kia ondo' masaga' mamparatu' ramon?’

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

MATIUS 3:16

Kariu' i Jisus, asak Io intor ra sungoi no. Paat ragili kaukab limbowon am kakito ri Jisus Ambiluo ri Aki Kapuuno' timinuun Riso koson ra susuit asang.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

KOLOSI 1:22

Kaa' raino, ralalom pinatayan ru Anak Nano, i Aki Kapuuno' nopobonsoi ramuyun saguli' Riso. Ginio noyo ralan ra akau maapu No koson ra ulun ondo' mapasau guang, kolondo' kasalaan am ondo' motopot.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.