RIMBAI PANGAMPARAN 1:4 - Tanou Moonsoi Timugon

⁴ Ribaki' noyo, ibito' aku no mabaya' rirun, iou raja' kuno, ibito' aku no ra lamin muno. Okou magibit ra akai maansukan, am mongompor ra laai muno moonsoi poyo ka wain; ginio sabap ra ruandu'-ruandu' malaai rirun.

RIMBAI PANGAMPARAN 1:4 ပူးပေါင်းရင်းမြစ်များ

MAZMUR 111:4

Kalo polosoon takau ru Tuhan mampalilian ra binaal Nano ondo' makaimuag; Io no motogom am maupus.

MAZMUR 119:32

Maansayan aku gumagaya' ra panusuban Muno, sabap ra sinauk Mu aku makarati' toojo.

MAZMUR 119:60

Maringkaagou aku am kalo maginaa koson mapaugar ra panusuban Muno.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 48:9

Atan ondo' norongog takau, ragino nakito takau, giu' ra bandar ri Aki Kapuuno' takau, Tuhan Ondo' Maayo Kaga' Kuasa'. Bandar raginio bandar ri Aki Kapuuno' takau; alungin No bandar raginio ra sabuoi-buoi No.

MAZMUR 63:5

Maringkuanang aku Rirun buoi ru kaayagan kuno; painsawaton ku longon liliwa' makiasi' Rirun.

RIMBAI PANGAMPARAN 3:4

Kakalikar ku ayuk nangiruan risilo, katuum ku ambai kuno. Gapuso' ku io am kalo boo labusin ku, saboi inibit ku io minuli' ra baloi ru ina' kuno, ra lamin ri ina' ondo' naganak raki'.

RIMBAI PANGAMPARAN 4:10

Laai muno mapabansuk raki', alii ra ambai am uoton kuno. Laai muno moonsoi poyo ka wain, umau maamis owou muno maamis poyo ka ngaangai' apa' pampagamis ra akanon.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 45:25

Kaa' papag ri Jakub bayagon, am mongompor ilo Raki', Tuhan.”

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JISAYA 63:7

Tunungon ku togom ru Tuhan; omporon ku Io sabap nansalinut binaal Nano. Binarakat No ulun ru Israil saboi liminuab sabap ra asi' am togom Nano kolondo' pupus.

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

GOSIA 11:4

Pinainggaar Ku ilo ra togom maayo. Ibain Ku am mangalok risilo, Kumuung Aku am mampaakan risilo.

JIPANYA 3:14

Akau ulun ru Israil, pakaansuk kano am parimbai! Akau mamagun ru Jirusalim, pakaansuk kano ra totopot ru guang!

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 25:10

Ralaa limo ngaulun ti ongoi bali. Buoi ilo minugar, pakasuku' boo ungkuyon uatin i, am limo ngaulun nakatampos ti subol ra bunsag mabaya' ra ungkuyon uatin am kulobon pana inangaban.

LUKAS 2:10

Kaa' indagu malaikat no, “Pai' kalaa'! Aku ti minatong nagibit ra tanou moonsoi ramuyun. Tanou ragitio mampakaansuk ra ngaangai' ulun.

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

JUANIS 12:32

Paat ra Aku ti painsawaton intor ra tana', poongoyon Ku ngaangai' ulun Raki'.”

JUANIS 6:44

Kolondo' sangulun pana makaratong Raki', amon ru kalo kimaitin io ri Ama' ondo' nanusub Raki' i; am ulun no bayagon Ku paat ra Orou Pupus no.

IPISUS 2:6

Nampaluat Io ritakau nabaya' ri Jisus Kristus, maa' raginio makapabaya' takau Riso mamarinta ra orou matong giu' ra suruga'.

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.