RIMBAI PANGAMPARAN 1:3 - Tanou Moonsoi Timugon

³ Maamis kaga' owou muno, inggalan muno koson ra umau maamis owou ondo' pinabuur. Ginio ra ralaa-ralaa malaai rirun.

RIMBAI PANGAMPARAN 1:3 ပူးပေါင်းရင်းမြစ်များ

MAZMUR 133:2

Ginio koson ra umau maamis owou ondo' mologo ondo' pinasasar ra ulu ri Arun, am tumilis ra liog ru sukub nano.

MAZMUR 45:14

Mumpos anak ralaa ru raja' ra mantalur kaga', bayang nano binaal intor ra gantian mas.

KAINGKUALAN 33:12

Indagu i Musa ra Tuhan, “Topot ra nanusub Kou raki' maningganai ra ulun ragitilo mongoi ra tana' ondo' binantu' Muno, kaa' kalo nambala' Kou raki' ra osoi susubon Muno maya' raki'. Minindagu Kou ra makaulig Kou raki' ra matanda' am niayuk maansayan raki'.

KAINGKUALAN 33:19

Taam Tuhan, “Mansail Aku ra ngaangai' Katulayan Kuno ra saang muno, liliwa' mindagu ra inggalan Kuno ondo' matulai, iono Tuhan. Mapakito Aku ra ulun pilion Kuno ra asi' am pakimasian.

AMSAL 27:9

Umau ra maamis owou makaansuk ra guang, kaa' kapaganan makaimamang.

MAMPATANOU 7:1

Inggalan moonsoi maamis poyo owou intor ra umau maamis owou ondo' mologo, am moonsoi poyo orou ru patayan intor ra orou naganakan.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

RIMBAI PANGAMPARAN 4:10

Laai muno mapabansuk raki', alii ra ambai am uoton kuno. Laai muno moonsoi poyo ka wain, umau maamis owou muno maamis poyo ka ngaangai' apa' pampagamis ra akanon.

RIMBAI PANGAMPARAN 5:13

Pingas nano koson ayuk ra umo ru apa' pampagamis ra akanon ondo' maamis owou. Bibil nano koson ayuk ra bunga' bakung ondo' mopoposok ra mur tumanu'.

RIMBAI PANGAMPARAN 5:5

Aku pana siminukal mongoi pangukab ra kulobon koson mampasubol ra ambai kuno. Mur nomosok intor ra kalindu' am bubua' ru kalindu' kuno namasa' ra pangukaban ra kulobon.

RIMBAI PANGAMPARAN 6:8

Kabalu' pana mokoondo' onom ngoopor andu' ru raja', am balu' ngoopor ngaulun ruandu' parulug, am ralaa ra kalo mauntob,

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

MATIUS 25:1

“Paat ri Aki Kapuuno' tumalimpuun mamarinta, baal no koson ragitio: Mopor ngaulun ralaa mingkual magibit ra pilasut nilono mongoi panguma' ra ungkuyon uoton.

JUANIS 12:3

Alapo' boo ri Maria sambutul umau maamis owou narwastu ondo' mologo kaga' makasuang satanga' ngalito. Pabuuro' no ra kalayam ri Jisus, am piiri' no ra abuk nali. Maalok boo owou ru umau i ra ngaangai' intok ru baloi i.

2 KORINTUS 11:2

Maayo guang kuno ramuyun am i Aki Kapuuno' pana koson raginio. Akau ti karaan koson ra ralaa mapasau toojo ondo' pawatin ku ra rondo' ayuk toojo ungkuyon, ioginio i Kristus.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.