PINAINTALANG 9:4 - Tanou Moonsoi Timugon

⁴ Ilo ti binalaan ra kalo mampalunsai ra sakot, puun tataun kapoam tutuu' ra tinanom no. Mampasinduol ilo ayuk ra ulun ondo' kolondo' tatandu' ri Aki Kapuuno' ra rabas nilono.

PINAINTALANG 9:4 ပူးပေါင်းရင်းမြစ်များ

AYUP 1:10

Masalok Kou manindung riso am sasambaloi nano am ngaangai' longgom nano. Suguton Mu ngaangai' kandoi piroton nano, am mangani' Kou riso ra masuang bibiag tinambiag saboi namapak ra titikop ru pagun.

AYUP 1:12

Indagu boo Tuhan ri Manusuk, “Iou noyo, baalo' atan ayuk ra ngaangai' longgom nano, ondo' ak am kalo luuson mu i Ayup.” Ugar boo i Manusuk intor ra saang ru Tuhan.

AYUP 2:6

Indagu boo Tuhan ri Manusuk, “Iou noyo, baalo' atan ayuk riso, ondo' ak am kalo potoyon mu io.”

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

KAINGKUALAN 12:23

Paat ra liputon ru Tuhan titikop ru pagun ru Misir koson mamatoi ra ulun ru Misir, makito ru Tuhan raraa' ra lugu' ru kulobon am angob ru kulobon ru baloi min, sumail Io am kalo mangiou ra Malaikat ru Kapatayan mumpos ra baloi mino koson mamatoi ramuyun.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

PINAINTALANG 14:1

Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.

PINAINTALANG 6:6

Korongog ku koson ra bolos ru ulun miningkual intor ra tatanga' ru kaapat ilo ondo' maayag no, kono, “Kumboo' noyo gandum nilo, suku' sakilo gandum kapoam talu ngakilo gandum barli talanon ra gaji' ru kandoi songorou – mologo kaga'. Kaa' pai' noyo jamari' umau jaitun am wain no!”

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.

PINAINTALANG 8:7

Malaikat kasaa' no nanamput ra bujung nano. Ratu' boo ais batu am apui nararatok ra raraa' ra tana' ti, koson ra rasam maawas. Sampitalu ru tana' ti, tataun am ngaangai' makaraun masansam nongosolob.