PINAINTALANG 9:20 - Tanou Moonsoi Timugon

²⁰ Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.

PINAINTALANG 9:20 ပူးပေါင်းရင်းမြစ်များ

2 RAJA'-RAJA' 22:17

Nangimpai ilo Raki' am nampataak ra taak simbalui ra tuhan-tuhan ra bokon. Napasingkual ilo ra sangit Kuno sabap ra ngaangai' ru binaal nilo. Raino sumangit Aku ra Jirusalim, am sangit Kuno kalo lumonggo'-longgo'.

2 TUNUNG RU BANSA' ISRAIL 28:22

Ralalom ru baal ondo' mapagon kaga' no, Raja' Agas giminaai piboo makatula ra Tuhan.

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

MAZMUR 106:37

Pataakon nilo anak nilono galama' koson ra taak simbalui ra dewa-dewa ru pagun kanaan.

JISAYA 2:8

Pagun nilono nososok ra sinungkalalaing, am sambaan nilo sinungkalalaing ra binaal nilo galama'.

JISAYA 41:7

Ulun manukang ra tataun moposorot ra guang ru ulun manukang ra mas, am ulun ondo' mantitip ra logam no ra panaa', mongompor ra ulun ondo' manitip ra logam ra bantulan. Konilo, ‘Moonsoi toojo kandoi muno.’ Sinungkalalaing no pana sinangat ra paku' maa' raginio kalo boo maunga'.

JIRIMIA 1:16

Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 25:6

Nanginggalar nabi-nabi ramuyun sumamba am mangandoi ayuk ra tuhan-tuhan ra bokon. Nanginggalar ilo niayuk ramuyun sumamba ra sinungkalalaing ondo' binaal min galama', sabap baal raginio mapasingkual ra sangit ru Tuhan. Amon ru gumagaya' kau ra susuban ru Tuhan no, kalo mangukum Io ramuyun.

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JIRIMIA 51:17

Nagilong ra ngaangai' no, ulun nakasioro' am makaliman ra sasambungon; ulun ondo' nambaal ra sinungkalalaing napilat guang sabap ra dewa-dewa no kalo motopot am kalo maminawo.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

DANIL 5:4

Liliwa' nanginum, nongompor ilo ra dewa-dewa ondo' binaal intor ra mas, pirok, gangsa', basi', tataun am batu.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

MIKA 5:13

Tuyason ku ngaangai' sinungkalalaing Dewi Asyira giu' ra pagun min am pusoon Ku bandar-bandar min.

MATIUS 21:32

Sabap ra i Juanis Mampariu' minatong manulu' ramuyun ra kaayagan motopot ondo' kasagaan ri Aki Kapuuno'. Akau kalo nangintopot ra pangilaan nali; kaa' mampalulur ra cukai am ilo ruandu' mantalan ra inan mangintopot riso. Kabalu' pana nakito min ngaangai' ti, kaa' kalo niayuk timinalikur kau am mangintopot ri Aki Kapuuno'.”

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

RINALATAN 19:26

Raino nakito min am norongog min noyo galama' atan kia baalon ri Paulus ti. Mindagu io ra atan ayuk sinungkalalaing ondo' baalon ru ulun, ginilo sala' ka Tuhan toojo. Masuang ulun nangintopot riso, sala' ka giti ayuk ra Ipisus ti, kaa' maar makai' pagun Asia ti poyo.

RINALATAN 7:41

Pambaal ilo ra rondo' sinungkalalaing koson ra sapi' ungkuyon am pangani' ra taak ra binaal nilo raginio. Pambaal ilo poyo ra bunsag maayo koson mangurumat ra ondo' binaal nilo galama' ti.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

SAGULION 32:17

Napataak ilo ra taak simbalui ra ambiluo-ambiluo malaat, am sala' ka ri Aki Kapuuno', tuhan-tuhan bagu ondo' kalo nauligan ru kinamatuaan nilo, dewa-dewa ondo' kalo igondo' gagayaa' ru Israil.

SAGULION 4:28

Giu' no sumambayang kau ra tuhan-tuhan ondo' binaal ru kalindu' ru ulun, tuhan intor ra tataun am batu, ondo' kalo makakito kapoam mokorongog, mangakan kapoam mangalok.

1 TIMOTIUS 4:1

Mindagu Ambiluo ri Aki Kapuuno' ra totopot paat orou ra tauli, mokoondo' ulun tumalikur intor ra pangintapatan ri Jisus Kristus; sumugut ilo ra ambiluo ondo' mampakalayau am maya' ra pangilaan ru riwato.

PINAINTALANG 15:1

Giu' ra limbowon no makito ku boo rondo' poyo tatandu' ondo' makaimuag am maayo. Mokoondo' tulu' malaikat nabaya' ra tulu' sauk malaat ra pupus. Gitio noyo pamupusan ri Aki Kapuuno' mapaingkual ra sangit am ukum Nano.

PINAINTALANG 16:8

Pasasaro' boo ru malaikat kaapat no suang ru sangkir nano ra mato ru orou suku' lasu' nano ra makalalaa' makapangumpo ra ulun.

PINAINTALANG 9:19

Kuasa' ru kuda-kuda soroi ra kabang am niayuk ra iku' nilono. Iku' ru kuda koson ra kukuo makaulu ondo' mampasinduol ra ulun.

PINAINTALANG 9:21

Ilo kalo niayuk lumonggo' mamatoi, mangimaya' ra kapandayan ru sihir, mansasawa' am mantatakou.