PINAINTALANG 9:13 - Tanou Moonsoi Timugon

¹³ Malaikat koonom no boo nanamput ra bujung. Korongog ku boo bolos intor ra kaapat sangau ru panalaban ra kaminyan ondo' binaal intor ra mas no giu' ra saang ri Aki Kapuuno'.

PINAINTALANG 9:13 ပူးပေါင်းရင်းမြစ်များ

KAINGKUALAN 30:10

Musiti' i Arun sambilor igondo' mambaal ra upacara pamasawan ra altar am kupilin ra raraa' ru bibiag ondo' pataakon koson taak simbalui koson mangampun ra tula, ra kaapat-apat sangau ru altar no. Baal ragitio musiti' baalon moonong bilor ra sabuoi-buoi no. Musiti' matulai ngai' altar ti am patimpokon Raki', Tuhan.”

IBRANI 10:21

Am i Jisus ti noyo imam maayo kuasa' ondo' maningganai ra ulun ri Aki Kapuuno'.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

PINAINTALANG 8:2

Kakito ku boo katulu'-tulu' malaikat ondo' minigor ra saang ri Aki Kapuuno' no am inanian ilo sigagama' ra bujung.

PINAINTALANG 9:1

Malaikat kalimo no boo nanamput ra bujung. Kakito ku boo rondo' butitin ondo' riminatu' ra tana' i am butitin no inanian ra kunsi' ru intok ru ulun namagatoi.