PINAINTALANG 8:5 - Tanou Moonsoi Timugon

⁵ Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.

PINAINTALANG 8:5 ပူးပေါင်းရင်းမြစ်များ

1 RAJA'-RAJA' 19:11

Indagu Tuhan riso, “Ingkual no intor ra luang batu no am bigor no ra saang Kutu giu' ra tampak ru gunung.” Kopongo raginio pansail Tuhan ra giu' no. Angin mapuor kaga' ondo' nampalapak ra gunung am nomopol ra kabuluran no siminigulu ra Tuhan, kaa' Tuhan kalo minintalang ralalom ru bagiu' mapuor kaga' no. Pokolonggo' bagiu' mapuor kaga' no, nasauk mogonggon, kaa' kalo minintalang Tuhan ralalom ru mogonggon no.

MAZMUR 18:13

Intor ra ganit ru saang Nano, riminatu' ais am apui, nansabut ra gaun makapal no.

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

JISAYA 29:6

Tuhan Ondo' Maayo Kaga' Kuasa' mapalabus rirun am ra bagiu' am tana' mogonggon ondo' makalalaa'. Porotongon No bagiu' am apui ondo' masimbula'.

JISAYA 30:30

Porongogon ru Tuhan bolos Nano ondo' matulai no, am moonong ulun makaliman ra kasangitan Nano ondo' makasimbula'. Kasangitan Nano maparatong ra apui ondo' makapangumpo, bagiu', rasam batu am rasam maawas.

JISAYA 66:6

Rongogo' noyo posogolos ralalom ru bandar. Bolos intor ra Baloi ru Tuhan no bolos ru Tuhan ondo' mangukum ra pantula'-pantula' Nano.

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

IMAMAT 16:12

musiti' io magibit rondo' intok ru baa ondo' nototop ra baa ru apui intor ra altar am ruo ngogonggom kaminyan malumot, ibiton boo ngaangai' no mumpos ralalom ru Lamin Matulai Kaga'.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

MATIUS 24:7

Pagun mangayou ra pagun ra bokon am parinta mantula' ra parinta ra bokon. Ati ayuk intok mokoondo' bitilan makalalaa' am tana' mogonggon.

LUKAS 12:49

“Minatong Aku ra tana' ti magibit ra apui ru ukum ri Aki Kapuuno'. Malansan Aku kaga' ra napaangan noyo apui no!

RINALATAN 16:26

Paat ragili niayuk kalunggun boo tana', saboi ngaangai' pangaputan ti nakaaya' kalunggun. Naukab ngaangai' kulobon i am rantai pinabangkil risilo i naugal.

RINALATAN 4:31

Kopongo ilo makiasi', intok tinimungan nilai nauyog. Kinuasa' ilo ngaangai' ru Ambiluo ri Aki Kapuuno', am tumalimpuun ilo mampabala' ra tanou intor ri Aki Kapuuno' ra kalo malaa'.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 8:3

Kopongo ragili ratong malaikat ra bokon ondo' nagibit ra pambulian ra kaminyan ondo' binaal intor ra mas, am bigor io ra saang ru panalaban no. Inanian io ra kaminyan masuang koson polotokon ra pakiasian ru ulun ri Aki Kapuuno' no. Solobon no boo ginio ra panalaban ra kaminyan ondo' binaal intor ra mas ondo' soroi ra saang ru takhta no.