PINAINTALANG 8:3 - Tanou Moonsoi Timugon

³ Kopongo ragili ratong malaikat ra bokon ondo' nagibit ra pambulian ra kaminyan ondo' binaal intor ra mas, am bigor io ra saang ru panalaban no. Inanian io ra kaminyan masuang koson polotokon ra pakiasian ru ulun ri Aki Kapuuno' no. Solobon no boo ginio ra panalaban ra kaminyan ondo' binaal intor ra mas ondo' soroi ra saang ru takhta no.

PINAINTALANG 8:3 ပူးပေါင်းရင်းမြစ်များ

1 RAJA'-RAJA' 7:50

sangkir, kakamot mangimpasau ra sumbu' ru lampung, mangkuk, pinggan intok pambulian ra kaminyan, baa ru apui, ingsil ru kulobon Lamin Matulai Kaga' am kulobon-kulobon ra liwar ru Baloi ru Tuhan. Ngaangai' ru kakamot no binaal intor ra mas.

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

KAINGKUALAN 40:26

Pabantaa' no altar mas ralalom Kim ru Tuhan, ra saang ru tabir,

JISAYA 6:6

Kopongo raginio rondo' risilo ondo' maayag no nansiab timinuun minatong raki', nagibit ra baa ondo' sinumpit no intor ra altar.

YEHEZKIEL 41:22

altar tataun: sawat nano 1.5 ngamito, am pila' nano 1 ngamito. Pisuk, apin am kiing ru altar, ngaangai' binaal intor ra tataun. Indagu ungkuyon no raki', “Gitio noyo mija' ondo' pabantaan ra saang ru Tuhan.”

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

UNTABAN 4:11

Mopongo raginio musiti' nilo pabingkalon rondo' konoon motomou ra rasawat ru altar mas, am taubin ginio ra rondo' kungkung malumis. Ilo pana musiti' mapaatang ra tataun pamandas ra altar no.

LUKAS 1:10

Liliwa' monolob i pinaugar, ulun masuang makiasi' giu' ra liwar.

ROMA 8:34

Osoi kia mokopononsol ritakau? Maaru' kolondo'! I Kristus Jisus noyo ondo' minatoi, binayag saguli' am soroi ra pamiris ri Aki Kapuuno': Io no manaung ritakau.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.

PINAINTALANG 14:18

Kopongo raginio, rondo' malaikat ra bokon, ondo' manguasa' ra apui, minatong intor ra panalaban ra kaminyan. Giminolok io ra bolos mapuor ra malaikat ondo' nampaguut ra tantab malarom no, kono, “Ulun ru tana' ti sama' noyo ukumin, mogondo' ra kawa' ru anggur no impunguon tantabo'.”

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.

PINAINTALANG 6:9

Lungkabo' boo ru Anak Domba no segel kalimo am kakito ku mamaar ra altar no mokoondo' ambiluo ru ulun pinatoi. Ilo ti pinatoi sabap ra nampatanou ra bala' ri Aki Kapuuno' am sabap ra kaintutunan nilono.

PINAINTALANG 7:2

Kakito ku boo malaikat ra bokon poyo siminalula' intor ra sirangon nagibit ra saap ri Aki Kapuuno' ondo' maayag. Nampiau malaikat no ra bolos mosongou ra kaapat malaikat ondo' inanian ri Aki Kapuuno' ra kuasa' mampalunsai ra lantur am raat ti.

PINAINTALANG 8:4

Lisun ru kaminyan ondo' ginuut ru malaikat no maloi mabaya' ra pakiasian ru ulun-ulun ra saang ri Aki Kapuuno'.

PINAINTALANG 8:5

Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.

PINAINTALANG 9:13

Malaikat koonom no boo nanamput ra bujung. Korongog ku boo bolos intor ra kaapat sangau ru panalaban ra kaminyan ondo' binaal intor ra mas no giu' ra saang ri Aki Kapuuno'.