PINAINTALANG 8:12 - Tanou Moonsoi Timugon

¹² Malaikat kaapat no boo nanamput ra bujung. Sampitalu ru mato ru orou no, bulan no am butitin-butitin no nangakulau boo. Ioginio saboi sampitalu ru sinda nilai mairu' am sampitalu ru orou am rondom kolondo' sinda.

PINAINTALANG 8:12 ပူးပေါင်းရင်းမြစ်များ

JISAYA 13:10

Moonong butitin am tinting ru butitin lumasa' sinda no. Mato ru orou lumondom bulintok sumirang am bulan kolondo' boo sinda.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

JIRIMIA 4:23

Tantangin ku tana' ti – makito ra kolondo' atan pana am mapua'. Tingaanon ku limbowon – kolondo' noyo sinda.

JOIL 2:10

Tana' ti malunggun paat ra gapu' sumuku', am limbowon pana monontol. Mato ru orou am sila' lumondom, butitin-butitin kalo boo suminda.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

JOIL 3:15

Mato ru orou am sila' lumondom, am butitin-butitin kalo boo suminda.

AMOS 8:9

Masaboi paat ra Aku mangkinibit ra mato ru orou tumolop paat ra tanga' ru orou am tana' ti lumondom paat ra orou matawang. Aku, Tuhan Raja' nakaindagu noyo.

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

MATIUS 27:45

Paat ra tanga' ru orou, buoi talu nganjam pagun no liminondom.

MARKUS 13:24

“Mopongo orou kaimbalaan raginio, mato ru orou lumondom am bulan kolondo' binusasal.

MARKUS 15:33

Paat ra tanga' ru orou, buoi talu nganjam ngaangai' pagun no molondom.

LUKAS 21:25

“Gitio noyo tatandu' ru pamupusan no; mato ru orou, bulan am butitin kulawon. Ngaangai' ulun ru tana' ti malawo am malaa' ilo ra bobolos am kinulun ru raat.

RINALATAN 2:20

Mato ru orou lumondom, bulan lumia' koson ra raraa', ra kalo poyo Orou ru Tuhan, orou ondo' maayo am maatang toojo no rumatong.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.

PINAINTALANG 16:10

Pasasaro' boo ru malaikat kalimo no suang ru sangkir nano ra takhta ru bibiag masigo no. Ginio ra intok kinuasa' ru bibiag masigo no liminondom am ulun-ulun no nongokot ra rila' nilai galama' sabap ra maruol no.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 9:15

Kaapat-apat malaikat no pana linabusan. Pinatampos ilo noyo ra jam, orou, bulan am bilor raginio koson mamatoi ra sampitalu ru ngaangai' ulun ru tana' ti.

PINAINTALANG 9:18

Sampitalu ru ngaangai' ulun no minatoi ra talu kapaganan malaat no: intor ra apui, lisun am balirang ondo' miningkual ra kabang ru kuda-kuda.