PINAINTALANG 7:4 - Tanou Moonsoi Timugon

⁴ Binalaan aku ra suang ru ulun ondo' tinatanduan ra tatandu' ri Aki Kapuuno' ra rabas nilono, mokoondo' 144,000 ngaulun. Ioginio intor ra ngaangai' tayar ru bansa' ru ulun Israil.

PINAINTALANG 7:4 ပူးပေါင်းရင်းမြစ်များ

KASAUKAN 15:5

Ibito' ru Tuhan i Abram miningkual ra liwar am indagu, “Pantingaa' ra limbowon am kinami' untobo' suang ru butitin no; makapapag kou koson ra kinasuang ru butitin no.”

KAINGKUALAN 28:21

Musiti' moonong batu parmata no tulisin rondo'-rondo' ra inggalan ru anak-anak ri Jakub ondo' manguakil ra mopor am ruo bansa' Israil.

YEHEZKIEL 47:13

Indagu Tuhan Raja', “Ondo' sumunu' ti iono balitan ru tana' ondo' tinayar ra mopor am ruo bansa' ru Israil. Bansa' ri Jusup musiti' makaalap ruo tayar.

YEHEZKIEL 48:19

Osoi ayuk ondo' mayan giu' ra bandar no, intor ra ngaangai' bansa' ru Israil, iowon mamakai ra tana' no koson pantanaman.

JAKARIA 9:1

Gitio noyo tanou ru Tuhan. Nangukum Io ra pagun Gadrak am bandar Damsyik. Sala' ka ayuk bansa'-bansa' ru Israil, kaa' pusor bandar ru pagun Siria niayuk longgom ru Tuhan.

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

LUKAS 14:22

Kopongo ragili indagu ulipon no, ‘Tuan, nanusuban muli binaal noyo, kaa' lakat ayuk poyo mokoondo' masuang intok panturungan.’

LUKAS 22:30

Mangakan am manginum kau ra rondo' mija' mababaya' Raki' paat ra Aku masauk ra raja'. Akau pana saukon ra raja' koson mangakim ra mopor am ruo ngantayaran bansa' ru Israil.”

RINALATAN 26:7

Bantu' ragili niayuk ondo' kalansanan ru koopor am ruo ngantayaran ru Israil, saboi orou-rondom ilo sumamba ri Aki Kapuuno'. Raja' Agripa, sabap ra kalansanan raginio noyo aku ti inuwan ru ulun ru Jaudi.

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

PINAINTALANG 14:1

Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.

PINAINTALANG 14:3

Giu' ra saang ru takhta, kaapat-apat ru ilo ondo' maayag am tingganai-tingganai no, minigor poyo 144,000 ngaulun no am marimbai ra rimbai nakabagu. Rimbai raginio kalo maalap kaigigila' ru osoi ayuk pana, kaa' maatus apat ngoopor am apat ngaribu ngaulun no ayuk sabap ra binayag ilo noyo ri Aki Kapuuno'.

PINAINTALANG 7:5

12,000 ngaulun intor ra moonong tayar ru bansa' ru ulun ru Israil, ioginio; Jiuda, Rubin, Gad, Asir, Naptali, Manasi, Simion, Liwi, Isakar, Jibulon, Jusup am Binjamin.

PINAINTALANG 9:16

Binalaan aku ra suang ru sampulalai ondo' nanangkuda mokoondo' 200 ngajuta'.