PINAINTALANG 7:3 - Tanou Moonsoi Timugon

³ Indagu malaikat no, “Pai' poyo lunsayo' lantur, raat kapoam puun-puun tataun saboi tinatanduan takau noyo rabas ru ulipon-ulipon ri Aki Kapuuno'.”

PINAINTALANG 7:3 ပူးပေါင်းရင်းမြစ်များ

KAINGKUALAN 12:13

Raraa' ra lugu' ru kulobon ru baloi masauk ra tatandu' tayar intok inayanan min. Makito Ku raraa' no, sumail Aku ramuyun, am kalo mangukum ramuyun paat ra Aku mangukum ra ulun ru Misir.

KAINGKUALAN 12:23

Paat ra liputon ru Tuhan titikop ru pagun ru Misir koson mamatoi ra ulun ru Misir, makito ru Tuhan raraa' ra lugu' ru kulobon am angob ru kulobon ru baloi min, sumail Io am kalo mangiou ra Malaikat ru Kapatayan mumpos ra baloi mino koson mamatoi ramuyun.

JISAYA 27:8

Mangukum Tuhan ra ulun Nano ioginio patirin ilo ra tana' suai. Manganjung Io risilo ra angin malaat intor ra sirangon.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JISAYA 65:8

Mindagu Tuhan, “Kolondo' osoi pana mamatir ra kawa' ru anggur ra moonsoi, kaa' baalon nilo ra wain. Aku pana kalo mamuso ra ngaangai' ulun Kuno; bayagon Ku ilo ondo' mangandoi ayuk Raki'.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

DANIL 3:17

Amon ru i Aki Kapuuno' ondo' sambaan maino masaga' mamayag ramon intor ra rapuan ondo' bibilak am intor ra kuasa' muno, bayagon No akai.

DANIL 3:26

Inggaari' boo ru Raja' Nibukadnijar kulobon ru rapuan no am indagu, “Sadrak! Misak! Abidnigo! Ulipon-ulipon ri Aki Kapuuno' Ondo' Masawat Kaga', ingkual no!” Ilo pana miningkual ra mataki'.

DANIL 6:16

Ulun naguguum no pana siminaguli' boo am indagu ra raja', “Nakapandai kou ra sumugut ra undang-undang ru Midia am Pirsia, susuban ondo' iningkual ru raja' kalo boo kulawon.”

JIPANYA 2:3

Saguli' no ra Tuhan, akau ngaangai' ulun ondo' gumagaya' ra susuban Nano. Baalo' noyo atan ondo' kasagaan ru Tuhan, am painggana' guang mino giu' ra saang Nano. Maaru' lair akau makalabus intor ra ukuman paat ra orou ru Tuhan mampakito ra sangit Nano.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

MATIUS 24:22

Kaa' kinariwa' ri Aki Kapuuno' orou raginio; amon ru kalo, kolondo' sangulun pana ra ulun ti maayag. Kaa' sabap ra ulun-ulun pinili' no, kinariwa' ri Aki Kapuuno' orou raginio.

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 3:33

Kaa' osoi ayuk mangintopot ra kaintutunan Nano, io no mangiou ra i Aki Kapuuno' no motopot.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

PINAINTALANG 13:16

Ngaangai' ru ulun, malawo am maikang, langkaya' am musikin, ulipon am kalo inulipon, jajalin ilo ru bibiag masigo no ra tatanduin kalindu' ra pamiris kapoam rabas nilono.

PINAINTALANG 13:17

Kolondo' sangulun pana makapambali kapoam makapantalan amon ru kolondo' ilo ra tatandu' ti, ioginio inggalan ru bibiag masigo no galama' kapoam numbur ondo' magabig ra inggalan nano.

PINAINTALANG 14:1

Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.

PINAINTALANG 14:9

Kopongo malaikat karuo no sunu' malaikat katalu ondo' minindagu ra bolos mosongou, “Osoi ayuk sumamba ra bibiag masigo no mabaya' ra sinungkalalaing nano am tinatanduan ra rabas kapoam kalindu' nano; ilo no ukumin toojo ri Aki Kapuuno' – mogondo' ra ulun jajalin gauko' ra wain mabisa'.

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

PINAINTALANG 22:4

Makakito ilo ra bulos Nano am inggalan Nano tulisin ra rabas nilono.

PINAINTALANG 6:6

Korongog ku koson ra bolos ru ulun miningkual intor ra tatanga' ru kaapat ilo ondo' maayag no, kono, “Kumboo' noyo gandum nilo, suku' sakilo gandum kapoam talu ngakilo gandum barli talanon ra gaji' ru kandoi songorou – mologo kaga'. Kaa' pai' noyo jamari' umau jaitun am wain no!”

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.

PINAINTALANG 7:2

Kakito ku boo malaikat ra bokon poyo siminalula' intor ra sirangon nagibit ra saap ri Aki Kapuuno' ondo' maayag. Nampiau malaikat no ra bolos mosongou ra kaapat malaikat ondo' inanian ri Aki Kapuuno' ra kuasa' mampalunsai ra lantur am raat ti.

PINAINTALANG 9:4

Ilo ti binalaan ra kalo mampalunsai ra sakot, puun tataun kapoam tutuu' ra tinanom no. Mampasinduol ilo ayuk ra ulun ondo' kolondo' tatandu' ri Aki Kapuuno' ra rabas nilono.