PINAINTALANG 7:17 - Tanou Moonsoi Timugon

¹⁷ Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”

PINAINTALANG 7:17 ပူးပေါင်းရင်းမြစ်များ

MAZMUR 22:26

Ralalom pantitimungan maayo ru ulun mangintopot Rirun, omporon Tokou sabap ra ngaangai' ondo' binaal Muno; ra talupak ru ngaangai' ulun ondo' sumamba Rirun patutuyon ku taak ondo' binantu' kuli.

MAZMUR 23:5

Pinaatang Mu nansalinut akanon am inumon no raki', ra saang ru pantula' kuno; umaan Mu aku koson ra tambului maatang ondo' urumaton am lingigin Mu sangkir kuno suku' mototop.

MAZMUR 28:9

Iou Tuhan, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.

JISAYA 12:3

Ati poyo kulaan ra timug makabansuk ra ulun pinaason, ginio niayuk ra ulun ri Aki Kapuuno' maansukan sabap binayag ri Aki Kapuuno'.”

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 30:19

Akau ondo' minayan ra Jirusalim kalo boo mantangi'. Tuhan no makaasi'. Paat ra akau mampiau makiindangan Riso, tumaam Io.

JISAYA 30:25

Kubu-kubu ru pantula' mino mapuut, am potoyon ilo. Paat ra orou raginio sungoi-sungoi boborok tumilis intor ra moonong gunung am bulur.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

JISAYA 49:9

Ulun ra inaput susubon Ku mingkual; ondo' soroi ra intok molondom ibiton Ku ra intok matawang. Giu' ra bulur nabugasan pana kolondo' kapaganan nilo, gagawar ru ralan pinaatang akanon.

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 60:20

Bulintok ru kapaganan muno maampus. Aku, Tuhan, masauk ra sinda muno ra mantilayun, mantilayun poyo intor ra mato ru orou am bulan.

JISAYA 65:19

Aku galama' maantak guang sabap ra Jirusalim am mamagun nano. Giu' no kolondo' boo tinangian kapoam mampiau koson makiindangan.

JIRIMIA 2:13

sabap ra ulun Kuno nambaal ra ruo tula: nangiruan ilo Raki', puun ru timug ra mapakaayag ra ulun, am nangkali ilo ra kulam ondo' lawasan am kalo mototop ra timug.”

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

YEHEZKIEL 34:23

Pasaukon Ku sangulun ra raja' koson ri Daut, ulipon Kuno, koson masauk ra rorondo' magagalung risilo, am magalung io risilo.

MIKA 5:4

am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

JUANIS 10:11

Aku noyo magagalung ra moonsoi, am magagalung ra moonsoi mampataak ra painawo Nano ra domba Nano.

JUANIS 10:14

Aku noyo magagalung ra moonsoi. Koson ri Ama' makaulig Raki' am Aku makaulig ri Ama', mogondo' niayuk ra Aku pana makaulig ra domba-domba Kuno am ilo niayuk makaulig Raki'.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JUANIS 4:11

Indagu ruandu' i Riso, “Tuan, tulubong ti malandom kaga' am kolondo' susuuk Muno. Ati kaalapan Muno ra timug mampakaayag no?

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.

PINAINTALANG 21:22

Kalo nakito ku Baloi Tuhan giu' ra bandar no, sabap ra Tuhan galama' soroi ra giu', i Aki Kapuuno' Maayo Kaga' Kuasa' am Anak Domba no.

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 4:11

“Iou Aki Kapuuno' am Tuhan mai. Okou maaya' makaapu ra urumat am ompor am kuasa'. Sabap ra Okou noyo nambaal ra ngaangai' no, am maya' ra kasagaan Muno niayuk ngaangai' no nasauk am naayag.”

PINAINTALANG 5:6

Kakito ku boo sanginan Anak Domba minigor ra tatanga' ru takhta no ondo' liniputan ru apat ilo ondo' maayag am ngaangai' ru tingganai no. Makito ku io ti koson pinatoi. Mokoondo' Io tulu' sangau am tulu' mato, ioginio tulu' Ambiluo ri Aki Kapuuno' ondo' sinusub mongoi ra tikop-tikop ru tana' ti.