PINAINTALANG 7:16 - Tanou Moonsoi Timugon

¹⁶ Am kalo boo maitilan kapoam pinaason ilo; am kalo boo malinsu ilo ru mato ru orou kapoam lasu'.

PINAINTALANG 7:16 ပူးပေါင်းရင်းမြစ်များ

MAZMUR 121:5

Tuhan magalung ramuyun; soroi Io ra kiing mino koson manindung ramuyun.

MAZMUR 121:6

Bulintok matawang mato ru orou kalo maninduol ramuyun; bulintok molondom bulan kalo makajamar ramuyun.

MAZMUR 143:6

Patunuyon ku longon kuno makiasi' Rirun; mikimasi' aku Rirun koson ra tana' mapua' makimasi' ra timug.

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

MAZMUR 63:1

Mazmur ri Daut, paat io giu' ra tana' kaagisan ru Jiuda.

RIMBAI PANGAMPARAN 1:6

Pai' aku asabi' sabap ra kungkung kutu maitom; maitom aku sabap nakatuug ra mato ru orou. Ngaangai' pabukat kuno siminangit raki', am mampajajal raki' mangandoi ra umo ru anggur; kolondo' bulintok ku magalung ra inan kuno galama'.

JISAYA 25:4

Ulun musikin am ulun malawo mongoi Rirun, am makisindung bulintok makakapaganan. Inampin Mu ilo intor ra bagiu', am manindung risilo intor ra orou malasu'. Ulun malaat kaga' mongoi pangayou koson ra bagiu' mapuor bulintok masimu',

JISAYA 32:2

Ilo koson ra intok sindungan intor ra angin am bagiu'. Koson ilo ra sungoi-sungoi ondo' tumilis ra tana' kaagisan, koson ra nasindungan ru batu maayo giu' ra tana' mapua'.

JISAYA 41:17

Bulintok ra ulun Kuno ra naimbolo' no maguyum ra timug, bulintok ra liog nilono napuaan sabap ra pinaason, Aku, Tuhan mangiou ra pakiasian nilono; Aku, i Aki Kapuuno' ru Israil, kalo igogondo' manatang risilo.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

JISAYA 65:13

Sotopot no, ulun ra sumamba Raki' am gumagaya' Raki' makaalap ra masuang akanon am inumon, kaa' maitilan am paason kau. Maansukan ilo kaa' asabin kau.

JUNUS 4:8

Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”

MATIUS 13:21

Kaa' tanou raginio kalo mantilayun ra guang nilono am kalo tumaan ra mabuoi. Paat ra ilo makakapaganan kapoam maimbolo' sabap ra tanou no, marayus kalawo guang nilono.

MATIUS 13:6

Paat ra mato ru orou no malasu', tutuu' ru sampug no liminonot sabap ra bakat nano kalo makasuku' ra ralalom am mapua' ra mataki'.

MATIUS 5:6

Pakaansuk noyo ulun ondo' maguyum ra kasagaan ri Aki Kapuuno', sabap ra basugon ilo ri Aki Kapuuno'.

MARKUS 4:17

Kaa' kalo riminondon ra guang nilo am sangkinolor ilo ayuk. Katiu' ilo ra imbolo' am kapaganan sabap ra Tanou ti, mataki' ilo kalo boo mangintopot.

MARKUS 4:6

Kaa' pakasirang boo mato ru orou no, kapua' am kolonot boo sabap ra mariwa' bakat nano.

LUKAS 1:53

Basugon No ulun nangaitilan ra ngaangai' ondo' moonsoi, kaa' paugaron No ulun langkaya' ra kolondo' taakin risilo.

LUKAS 6:21

“Pakaansuk kano ondo' nangaitilan raino, sabap ra basugon kau! Pakaansuk kano ondo' mantangi' raino, sabap ra pakuriton kau!

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JAKUBUS 1:11

Paat ra mato ru orou sumirang ra mapangit toojo, lumonot boo sakot no am busak nano pana matagag, am kolondo' boo kinoonsoi nano. Koson niayuk ra ulun langkaya', pusoon ra tatanga' io mirot mampaugar ra kandoi nano.

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”