PINAINTALANG 7:13 - Tanou Moonsoi Timugon

¹³ Sangulun intor ra tingganai-tingganai no nangkuot raki', “Osoi kia ulun-ulun ondo' nambayang ra sukub mapulak no, am ati intor nilono?”

PINAINTALANG 7:13 ပူးပေါင်းရင်းမြစ်များ

KASAUKAN 16:8

Indagu malaikat no, “Agar, ulipon ri Sarai, ati intor muno am ati angayan muno?” Taam i Agar, “Nagiru' aku intor ri Sarai, nangulipon raki' no.”

DANIL 7:16

Inggaar aku ra sangulun intor ra ondo' minigor ra giu' no am nakiarati' riso ra pinaintalang no. Io pana nambala' ra arati' nano.

JUANIS 7:28

Tatanga' i Jisus nangila' giu' ra Baloi Tuhan, pangkuot Io ra mosongou toojo, “Motopot kia ra nakaulig kau Raki' am nakapandai kau ra intor Kuli? Kalo minatong Aku ra kuasa' Kutu galama', kaa' sinusub Aku ru Io ondo' maintopot, am Io no kalo mauligan min.

RINALATAN 3:12

Pakakito i Pitrus ra ulun ra masuang no, indagu io risilo, “Pabukat kau ngaangai' ulun ru Israil, kua pangimuag kau ragitio? Kua urioo' min akai? Guang min kia ra ulun ti makaugar sabap ra makakuasa' akai, kapoam mampagagaya' akai toojo ri Aki Kapuuno'?

PINAINTALANG 3:4

“Kaa' mokoondo' intor ramuyun ra bandar Sardis ondo' kalo minaya' mambaal ra tula, ioginio kalo jinamalan kau. Mababaya' kau Raki' am pambayangon kau ra mapulak sabap ra maaya' kau noyo.

PINAINTALANG 4:10

karuo ngoopor am apat ngaulun tingganai no lumaub ra saang ru Io ondo' nanturung ra takhta no am niayuk sumamba Riso ondo' maayag ra mantilayun. Papatiro' nilo boo karaun mas nilono ra saang ru takhta no am indagu,

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.

PINAINTALANG 5:11

Kakito ku poyo, am korongog ku bolos ru malaikat, ondo' riribu am jujuta' suang no. Liminiput ilo bigor ra takhta no nabaya' ra kaapat ilo ondo' maayag am tingganai-tingganai no.

PINAINTALANG 5:5

Indagu boo sangulun intor ra tingganai no raki', “Pai' pantangi'! Ilai' noyo! Singa' intor ra bansa' ru Jiuda, papag maayo ru raja' Daut no, nangala io noyo ra kuasa' ru kalaatan. Mamalungkab Io ra tulu' segel am mamingkal ra naskhah rinulun no.”

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.

TINGGANAI RU BANSA' 13:6

Ruandu' no pana minongoi ra ralaki nano am indagu, “Sangulun sinusub ri Aki Kapuuno' minatong raki'. Baal nano koson ra malaikat ri Aki Kapuuno' saboi nalaa' aku. Kalo nangkuot aku ati intor nano, am io pana kalo nambala' ra inggalan nano.