PINAINTALANG 7:12 - Tanou Moonsoi Timugon

¹² konilo, “Amin! Koompor noyo kapintaran, paringkuanangan, urumat, kuasa' am ikang Muno, i Aki Kapuuno' takau ra sabuoi-buoi no! Amin!”

PINAINTALANG 7:12 ပူးပေါင်းရင်းမြစ်များ

NIGIMIA 12:46

Intor ra bulintok ru Raja' Daut am i Asap mangkukuli ra miujik ra galing i poyo, ulun-ulun maririmbai no narimbai ra rimbai mongompor am rimbai paringkuanangan ri Aki Kapuuno'.

NIGIMIA 12:8

Ulun ru Liwi: Ulun maningganai ra rimbai paringkuanangan: I Jisua, Binui, Kadmiil, Siribia, Jiuda am Matanya.

MAZMUR 100:4

Subol no baya' ra kulobon ru garabang Nano liliwa' maringkuanang, ongoi no ra lisar ru Baloi Nano liliwa' mongompor. Paringkuanang no Riso am omporo' noyo Io.

MAZMUR 106:48

Omporo' noyo Tuhan, i Aki Kapuuno' ru ulun ru Israil; omporo' noyo Io raino am sabuoi-buoi no! Polosoo' noyo ulun mindagu, “Amin!” Omporo' noyo Tuhan!

MAZMUR 107:22

Musiti' no maringkuanang ilo Riso am mapataak ilo ra taak simbalui, am mapatanou ra binaal Nano ralalom ru rimbai-rimbai maansukan.

MAZMUR 116:17

Pataakon kuno Rirun taak simbalui ru paringkuanangan, liliwa' makiasi' Rirun.

MAZMUR 147:7

Rimbayi' min Tuhan no ra rimbai pangamparan, am kayusi' min i Aki Kapuuno' takano ra jitor.

MAZMUR 41:13

Mangindangan Kou raki' sabap ra banis ru guang kuno; magibit Kou raki' matong ra saang Muno ra sabuoi-buoi no.

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

MAZMUR 89:52

Pantula'-pantula' Muno manauyu' ra raja' pinili' Muno, iou Tuhan! Ati ayuk ongoyon ru raja' no, asabin nilo io.

MAZMUR 95:2

Uma' takano Riso am maringkuanang, am naansukan marimbai ra rimbai pangamparan.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

ROMA 11:36

Ngaangai' ondo' soroi inangun ri Aki Kapuuno'. Mampakaayag Io ra ngaangai' am ngaangai' no mangandoi Riso. Koompor noyo i Aki Kapuuno' ra sabuoi-buoi no! Amin.

1 KORINTUS 14:16

Paat ra akau maringkuanang ri Aki Kapuuno' mabaya' ra ragu tinaakan ru Ambiluo no, ati kulaan ulun ra bokon ondo' kolondo' kapandayan raginio mindagu ra “Amin” ra kiasi' mino? Kalo makarati' io ra kiasi' mini.

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

JUDAS 1:25

Io no i Aki Kapuuno' ondo' namayag ritakau, ralalom inggalan ri Jisus Kristus, Tuhan takau. Io no rorondo' ayuk i Aki Kapuuno', Io no matulai, maatang kaga' am Io no mangnguasa' ra ngaangai' no, intor ra puun i, paat ra raino am suku' ra sabuoi-buoi no. Amin.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

PINAINTALANG 19:4

Karuo ngoopor am apat ngaulun tingganai am kaapat baal maayag no igulatur am samba ilo ri Aki Kapuuno' ondo' nanturung ra takhta no. Konilo, “Amin. Koompor noyo i Aki Kapuuno'.”