PINAINTALANG 7:10 - Tanou Moonsoi Timugon

¹⁰ Giminolok ilo ra mapuor, “Pamayagan takau intor Rirun Aki Kapuuno' ondo' manturung ra takhta, am intor Rirun Anak Domba no!”

PINAINTALANG 7:10 ပူးပေါင်းရင်းမြစ်များ

MAZMUR 115:1

Sala' ka akai, iou Tuhan, sala' ka akai, kaa' Okou ayuk maaya' katulayon am omporon, sabap ra Okou mampagagaya' toojo am monogom ramon.

MAZMUR 3:8

Bayago' aku no, iou Tuhan, i Aki Kapuuno' kuno, ukumi' noyo am ngaangai' ru pantula' kuno sauko' ra lamumu'.

MAZMUR 37:39

Ulun ra motopot bayagon ru Tuhan; sindungin No ilo paat ra kapaganan.

JISAYA 43:11

“Aku ayuk Tuhan, Aku ayuk makapamayag ramuyun.

JISAYA 45:15

Namayag i Aki Kapuuno' ra ulun ru Israil ioginio i Aki Kapuuno' ra nansibuni.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

JIRIMIA 3:23

Banangan ayuk akai sumamba ra sinungkalalaing giu' ra tampak-tampak ru bulur! Pangindangan ra Israil matong ayuk intor ra Tuhan, i Aki Kapuuno' mai.

GOSIA 13:4

Indagu Tuhan, “Aku noyo Tuhan, i Aki Kapuuno' min ondo' naningganai noyo ramuyun miningkual intor ra Misir. Kolondo' i Aki Kapuuno' min kaa' Aku ayuk. Aku noyo rorondo' mamamayag ramuyun.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

JAKARIA 4:7

Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

LUKAS 3:6

Ngaangai' ulun ru tana' ti makakito ra ati kulaan i Aki Kapuuno' mamayag ra ulun!’ ”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 1:36

Kakito no ra i Jisus nansail, indagu io, “Ilai', ginio noyo Anak Domba ri Aki Kapuuno'!”

JUANIS 4:22

Akau ulun ru Samaria sotopot no kalo makatutun osoi sambaan min; kaa' akai ulun ru Jaudi nakatutun osoi sambaan mai, sabap ra pamayagan matong intor ra bansa' ru Jaudi.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.

PINAINTALANG 19:1

Kopongo raginio, morongog ku koson ra bolos mapuor ru ulun masuang giu' ra suruga' minindagu ra, “Koompor noyo i Aki Kapuuno'. Io ayuk Mamamayag takau. Io ayuk matulai am Io no makakuasa'.

PINAINTALANG 21:5

Indagu boo Io ondo' manturung ra takhta no, “Raino baalon Ku ngaangai' no ra baguon.” Indagu Io niayuk raki', “Tulisi' noyo gitio, sabap ra ragu Kuti motopot am malansanan.”

PINAINTALANG 22:3

Giu' ra bandar no kolondo' rondo' pana ondo' inibatan ri Aki Kapuuno'. Takhta ri Aki Kapuuno' am Anak Domba no sumoroi ra bandar no am ulipon-ulipon Nano sumamba Riso ra giu' no.

PINAINTALANG 4:6

Am giu' ra saang ru takhta no, makito koson ra raat asilan, maniol koson ra kristal. Giu' ra takhta ra tatanga' no, mokoondo' apat ilo ondo' maayag. Ilo ondo' maayag no natitip ra mato tampilon ra saang am bakulung nilono.

PINAINTALANG 5:7

Ongoyo' alapo' ru Anak Domba naskhah rinulun no intor ra kalindu' pamiris ru Io ondo' nanturung ra takhta no.