PINAINTALANG 7:1 - Tanou Moonsoi Timugon

¹ Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.

PINAINTALANG 7:1 ပူးပေါင်းရင်းမြစ်များ

JISAYA 11:12

Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 27:3

“Magalung Aku ra umo no am masalok Ku uasin. Orou rondom Aku mantamung maa' raginio kolondo' sangulun pana mampalipok.

JISAYA 27:8

Mangukum Tuhan ra ulun Nano ioginio patirin ilo ra tana' suai. Manganjung Io risilo ra angin malaat intor ra sirangon.

JIRIMIA 49:36

Mangkinibit Aku ra angin intor ra ngaangai' intok magangin ra Ilam, am pantutuliaron Ku mamagun nano saboi kolondo' rondo' pagun pana ondo' kalo rinatangan ru ulun nagigiru' intor ra Ilam.

YEHEZKIEL 37:9

Indagu i Aki Kapuuno' raki', “Okou ulun mapandai matoi, indagu ra ragu manala' ra angin. Raguo' ra Tuhan Raja' manusub ra angin maa' raginio matong intor ra moonong intok koson pasampuyon painawo ra ralalom ru inan-inan ti saboi maayag saguli'.”

YEHEZKIEL 7:2

“Okou ulun mapandai matoi, Aku, Tuhan Raja' masaga' mindagu ra pagun ru Israil: Gitio noyo kapusaan ru titikop pagun!

DANIL 11:4

Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

DANIL 7:2

ondo' nakito ku paat ra rondom raginio: Nagangin ra mapuor intor ra ngaangai' intok am nampalamba' ra ralimbou ru raat.

DANIL 8:8

Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.

JUNUS 1:4

Timinuun i Junus ra intok ondo' magana' kaga' am liminuya' ra giu', am nokororot io toojo. Kopongo raginio namparatong Tuhan ra bagiu' mapuor kaga' giu' ra raat, am kasauk boo bagiu' ondo' makalalaa', am liminapos ra kapal saboi maar magagai. Ngaangai' ulun ru kapal nalaa' am giminolok makiindangan, sigagama' nilo ra dewa nilo galama'. Pinatiran nilo suang ru kapal no ra ralalom ru raat koson mangiruru' ra makalalaa'.

JAKARIA 6:1

Nakakito Aku ra pinaintalang ra bokon. Raino ti nakakito aku ra apat kurita' kuda miningkual intor ra ruo gunung gangsa'.

JAKARIA 6:5

Taam io, “Gitio noyo apat angin ondo' bagu minatong intor ra saang ru Tuhan ondo' namingkal ra tana' ti am limbowon.”

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

MARKUS 13:27

Anak ru Ulun manusub ra malaikat-malaikat mongoi ra ngaangai' pamagunan ru tana' am manimung ilo ra ngaangai' ulun pinili' ri Aki Kapuuno'.”

PINAINTALANG 20:8

Mongoi io pamparuung ra ngaangai' bansa' ra titikop ru tana' polos ra pagun Gog am Magog. Timungon ilo ru Tingganai ru riwato no mongoi pantula' am suang nilono mogondo' ra suang ru agis giu' ra kiing ru raat.

PINAINTALANG 6:6

Korongog ku koson ra bolos ru ulun miningkual intor ra tatanga' ru kaapat ilo ondo' maayag no, kono, “Kumboo' noyo gandum nilo, suku' sakilo gandum kapoam talu ngakilo gandum barli talanon ra gaji' ru kandoi songorou – mologo kaga'. Kaa' pai' noyo jamari' umau jaitun am wain no!”

PINAINTALANG 7:3

Indagu malaikat no, “Pai' poyo lunsayo' lantur, raat kapoam puun-puun tataun saboi tinatanduan takau noyo rabas ru ulipon-ulipon ri Aki Kapuuno'.”

PINAINTALANG 8:7

Malaikat kasaa' no nanamput ra bujung nano. Ratu' boo ais batu am apui nararatok ra raraa' ra tana' ti, koson ra rasam maawas. Sampitalu ru tana' ti, tataun am ngaangai' makaraun masansam nongosolob.

PINAINTALANG 9:14

Indagu bolos ti ra malaikat koonom no, “Labusi' noyo apat malaikat ondo' nabangkil giu' ra sungoi ru Iprat no!”

PINAINTALANG 9:4

Ilo ti binalaan ra kalo mampalunsai ra sakot, puun tataun kapoam tutuu' ra tinanom no. Mampasinduol ilo ayuk ra ulun ondo' kolondo' tatandu' ri Aki Kapuuno' ra rabas nilono.