PINAINTALANG 6:2 - Tanou Moonsoi Timugon

² Ilai' ku boo sanginan kuda mapulak am ondo' siminakoi no nampaguut ra panah am io ti inanian ra rondo' karaun. Minugar io koson ra sangulun ondo' nangala noyo ra pantula' nano.

PINAINTALANG 6:2 ပူးပေါင်းရင်းမြစ်များ

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

MAZMUR 76:7

Bulintok ra Okou mangingilaa', iou Aki Kapuuno' ri Jakub, kuda am niayuk nangura' riso no maratu' am matoi.

MAZMUR 98:1

Mazmur. Rimbayi' noyo Tuhan no ra rimbai nakabagu; nambaal Io ra kandoi makaimuag! Ralalom ru kuasa' am kaikangan Nano galama', noowot No noyo kamanangan.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JAKARIA 1:8

nakito ku malaikat ru Tuhan nangura' ra sanginan kuda malia'. Minuog io giu' ra rondo' limayak ru puun-puun kemunting. Giu' ra talikuron nano mokoondo' poyo kukula' ngainan kuda – mokoondo' ondo' malia', mokoondo' ondo' tangkakalut, am mokoondo' ondo' mapulak.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

1 KORINTUS 15:25

Sabap ri Kristus musiti' mamarinta saboi ngaangai' pantula' Nano patindukuon ri Aki Kapuuno' Riso.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

PINAINTALANG 14:14

Aku pana nagilong am makakito ra gaun mapulak am mokoondo' ondo' nanturung rasawat ru gaun no makito koson ra ulun. Nangkaraun Io ra karaun mas am nampaguut Io ra tantab malarom.

PINAINTALANG 15:2

Kopongo raginio, kakito ku poyo rondo' baal koson ra raat asilan naratok ra apui. Nakito ku niayuk ilo ondo' nangala ra bibiag masigo, sinungkalalaing nano am ra ulun ondo' inggalan nano tinatanduan ra numbur. Minigor ilo ra kiing ru raat asilan liliwa' nampaguut ra jitor ondo' pinataak ri Aki Kapuuno' risilo.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 19:14

Masuang saujor ru suruga' siminunu' Riso ra nanangkuda ilo ra kuda mapulak am nambayang ra linon kopoyo ondo' mapulak.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 9:7

Gapu'-gapu' koson ra kuda ondo' nakatampos noyo mongoi pantula'. Ulu nilono mokoondo' koson ra karaun mas. Bulos nilono koson ra bulos ru ulun.