PINAINTALANG 6:17 - Tanou Moonsoi Timugon

¹⁷ Orou ilo mangukum no tumalimpuun noyo am osoi kia tumaan no?”

PINAINTALANG 6:17 ပူးပေါင်းရင်းမြစ်များ

MAZMUR 110:5

Soroi Tuhan ra tampilon pamiris muno koson mangindangan rirun; bulintok ra Io sumangit, raja'-raja' kalaan No.

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 76:7

Bulintok ra Okou mangingilaa', iou Aki Kapuuno' ri Jakub, kuda am niayuk nangura' riso no maratu' am matoi.

JISAYA 63:4

Bulintok no koson mamayag ra ulun Kuno nasaboi noyo; bulintok no koson mangukum ra pantula'-pantula' Kuno nasuku' noyo.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

JOIL 2:1

Samputi' bujung, kosongowo' bolos tatandu' makalalaa' giu' ra Sion, bulur matulai ri Aki Kapuuno'. Ponontol kano, akau mamagun ru Jiuda, sabap ra Orou ru Tuhan matong ra mataki'.

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

MALIAKI 3:2

Kaa' osoi kia ondo' tumaan ra orou Io matong am mintalang ra inan? Io koson ra sabun ondo' totopot makalulu' am koson ra apui ondo' manuyu' ra logam.

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

PINAINTALANG 16:14

Sotopot no, ilo ti riwato ondo' mambaal ra kaimuagan. Katalu-talu riwato no mongoi panimung ra ngaangai' raja' ru tana' ti koson mangayou paat ra Orou maayo ri Aki Kapuuno' ondo' Maayo Kaga' Kuasa'.

1 SAMUIL 6:20

Indagu mamagun ru Bit-Simis, “Osoi kinua' masaga' muma' ra Tuhan Aki Kapuuno' ondo' matulai no? Ati kinua' boo pangataran takau Riso maa' raginio maalur intor ritakau?”