PINAINTALANG 6:16 - Tanou Moonsoi Timugon

¹⁶ Konilo ra gunung am batu, “Intupi' akai no. Sibunio' akai no intor ra pagilangan ru Io ondo' nanturung ra takhta no, am intor ra ukuman ru Anak Domba no!

PINAINTALANG 6:16 ပူးပေါင်းရင်းမြစ်များ

MAZMUR 14:5

Ulun malaat malaa', sabap ra i Aki Kapuuno' mangindangan ra ulun ondo' gumagaya' Riso.

JISAYA 2:10

Mansibuni ilo ra ralalom ru luang batu giu' ra kabatuan bulur, kapoam mangkali ra luang giu' ra tana' koson pansibunian maa' raginio makatuliar ilo ra sangit ru Tuhan, mansibuni intor ra kuasa' am niayuk katulayan Nano!

JIRIMIA 8:3

Ulun intor ra bansa' malaat ti ondo' lakat poyo maayag, ondo' pinantutuliar Ku noyo ra nansalinut intok, masaga' poyo matoi intor ra maayag. Aku, Tuhan Ondo' Maayo Kaga' Kuasa' nakaindagu noyo.”

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

MATIUS 26:64

Taam i Jisus, “Rinagu mu noyo. Balain takamin: Intor raino makakito kau ra Anak ru Ulun no manturung ra pamiris ri Aki Kapuuno' Ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon!”

MARKUS 3:5

Mongoror Io risilo sabap ra maruol guang Nano, kaa' mangiluk Io ra mokotog ulu nilo. Indagu Io boo ra ulun no, “Patutuyo' noyo longon muno!” Patutuyo' ru ulun no longon nano, am kapali' boo.

LUKAS 23:30

Paat raginio ulun mindagu ra gunung no, ‘Pumpuni' akai!’ am ra bulur poyo, ‘Bunio' akai!’

PINAINTALANG 10:6

Pagibot io ralalom inggalan ri Aki Kapuuno' ondo' maayag ra mantilayun, am ondo' nampasauk ra suruga', tana' ti, raat no am ngaangai' suang nilono. Kon ru malaikat no, “Orou ra inaanin i kalo noyo painjulon.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 4:2

Aku pana kuasaa' boo ru Ambiluo ri Aki Kapuuno'. Giu' ra suruga' no mokoondo' takhta, am mokoondo' sangulun nanturung no.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.

PINAINTALANG 4:9

Kaapat-apat ilo ondo' maayag ti marimbai ra mangurumat, mongompor am maringkuanang Riso ondo' manturung ra takhta no am ondo' maayag ra mantilayun. Am paat kaapat-apat nilo marimbai,

PINAINTALANG 5:1

Kakito ku rondo' naskhah rinulun soroi ra kalindu' pamiris ru Io ondo' nanturung ra takhta no. Sapapa' mansapapa' no natitip ra tinulisan. Naskhah no ginaam ra tulu' segel.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”

PINAINTALANG 9:6

Buoi ru limo ngambulan no maguyum ulun-ulun ra patayan, kaa' kalo matoi ilo; moogot ilo matoi kaa' kapatayan maalur intor risilo.