PINAINTALANG 6:12 - Tanou Moonsoi Timugon

¹² Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 6:12 ပူးပေါင်းရင်းမြစ်များ

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

JISAYA 29:6

Tuhan Ondo' Maayo Kaga' Kuasa' mapalabus rirun am ra bagiu' am tana' mogonggon ondo' makalalaa'. Porotongon No bagiu' am apui ondo' masimbula'.

JISAYA 34:4

Mato ru orou, bulan, am butitin matutuk. Limbowon mapuso, ilain koson ra rinulun koson naskhah rinulun. Butitin-butitin maratu' koson ra raun matutu' intor ra puun ru anggur kapoam puun ru nunuk.

JISAYA 50:3

Limbowon saukon Ku mapiot londom, Taubin Ku koson ra konoon panguliran.”

JOIL 2:10

Tana' ti malunggun paat ra gapu' sumuku', am limbowon pana monontol. Mato ru orou am sila' lumondom, butitin-butitin kalo boo suminda.

JOIL 3:15

Mato ru orou am sila' lumondom, am butitin-butitin kalo boo suminda.

AMOS 1:1

Gitio noyo ragu-ragu ri Amos, sangulun magagalung ra domba intor ra bandar Tikoa. Ruo ngambilor ra kalo poyo nasauk tana' mogonggon, paat ra pagun ru Jiuda pinarinta ru Raja' Ujia am Israil pinarinta ru Raja' Jirobiam anak ungkuyon ru Raja' Jigoas, pinabala' ri Aki Kapuuno' ri Amos baal-baal intor ra Israil.

AMOS 8:9

Masaboi paat ra Aku mangkinibit ra mato ru orou tumolop paat ra tanga' ru orou am tana' ti lumondom paat ra orou matawang. Aku, Tuhan Raja' nakaindagu noyo.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

MATIUS 11:21

“Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

MATIUS 24:7

Pagun mangayou ra pagun ra bokon am parinta mantula' ra parinta ra bokon. Ati ayuk intok mokoondo' bitilan makalalaa' am tana' mogonggon.

MATIUS 27:45

Paat ra tanga' ru orou, buoi talu nganjam pagun no liminondom.

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

MATIUS 28:2

Pulali' uyog tana' ti ra makalalaa' am sangulun malaikat timinuun intor ra suruga', nampaluir ra batu pinaangob ra lobong am panturung ra rasawat no.

MARKUS 15:33

Paat ra tanga' ru orou, buoi talu nganjam ngaangai' pagun no molondom.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 16:18

Nampaganit, nanimpalak am tana' ti muyog ra makalalaa'. Intor ra talimpuun ru ulun ti sinauk, kalo igondo' tana' ti muyog koson raginio. Gitio ayuk poyo kainsaa' ru tana' ti muyog ra makalalaa' kaga'.

PINAINTALANG 16:8

Pasasaro' boo ru malaikat kaapat no suang ru sangkir nano ra mato ru orou suku' lasu' nano ra makalalaa' makapangumpo ra ulun.

PINAINTALANG 8:12

Malaikat kaapat no boo nanamput ra bujung. Sampitalu ru mato ru orou no, bulan no am butitin-butitin no nangakulau boo. Ioginio saboi sampitalu ru sinda nilai mairu' am sampitalu ru orou am rondom kolondo' sinda.

PINAINTALANG 8:5

Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.