PINAINTALANG 6:11 - Tanou Moonsoi Timugon

¹¹ Moonong risilo ti inanian ra sukub ra mapulak. Sinusub ilo boo tumangus ra kula' buoi poyo saboi suang ru rangan mangngandoi am pabukat nilono ondo' potoyon koson risilo no, ukopon galing.

PINAINTALANG 6:11 ပူးပေါင်းရင်းမြစ်များ

DANIL 12:13

Okou Danil, musiti' gumagaya' saboi ra pupus. Matoi kou, kaa' maayag saguli' koson mangapu ra tangguang muno ra orou pupus.”

MATIUS 10:21

“Mokoondo' ulun mampataak ra pinongkotob nano galama' koson ra potoyon, am ama' pana mambaal niayuk koson raginio ra anak nano. Mokoondo' anak manggal ra matuo nano saboi pataakon nilo ra potoyon.

LUKAS 15:22

Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

IBRANI 11:40

sabap ra nangaru' Io noyo ra rondo' baal moonsoi poyo ritakau ngai', ioginio, ra mabaya' ayuk ritakau, ilo no saukon ra matanda'.

IBRANI 12:23

Nakasaang kau noyo ra bunsag maayo mabaya' ra anak-anak katuaan ri Aki Kapuuno', ondo' inggalan nilono tinulisan noyo giu' ra suruga'. Mininggaar kau ri Aki Kapuuno' ondo' mangakim ra ngaangai' ulun, am poyo ra ambiluo-ambiluo ru ulun motopot ondo' tinanda' ri Aki Kapuuno'.

IBRANI 4:10

Sabap ra osoi ayuk tumangus mabaya' Riso, tumangus io niayuk intor ra kandoi nano, mogondo' ri Aki Kapuuno' galama' timinangus intor ra kandoi Nali.

PINAINTALANG 10:6

Pagibot io ralalom inggalan ri Aki Kapuuno' ondo' maayag ra mantilayun, am ondo' nampasauk ra suruga', tana' ti, raat no am ngaangai' suang nilono. Kon ru malaikat no, “Orou ra inaanin i kalo noyo painjulon.

PINAINTALANG 13:15

Bibiag masigo karuo no inanian ra kuasa' mamayag ra sinungkalalaing no, saboi sinungkalalaing no makaindagu am makapamatoi ra ngaangai' ondo' kalo masaga' sumamba riso.

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.