PINAINTALANG 4:7 - Tanou Moonsoi Timugon

⁷ Ilo ondo' maayag ra kasaa' no makabulos ru singa'. Karuo no makabulos ru sapi' gawayan. Katalu no makabulos ru ulun. Kaapat no makabulos ru kanui ondo' tatanga' mansiab.

PINAINTALANG 4:7 ပူးပေါင်းရင်းမြစ်များ

KASAUKAN 49:9

I Jiuda abigin koson ra singa'. Makapansaam io, sumaguli' io ra luang nano; mambilor am magupu' io, am kolondo' osoi pana makakau' mangulinjo riso.

2 SAMUIL 1:23

“Raja' Saul am i Jonatan, kasagain am tagamin, kalo nantuliar ralalom ru bayag am matoi; matasik ilo poyo intor ra kanui, am maikang poyo intor ra singa'.

AMSAL 28:2

Amon ru bansa' gumuor, mangunguasa' nano masalok pagalig-galig; amon ru tingganai no mapandai am mapintar, pamarintaan nano maikang am mapanggol.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

YEHEZKIEL 1:10

Moonong ondo' maayag no mokoondo' apat bulos ondo' nansusuai: bulos ru ulun tampilon ra saang, bulos ru singa' tampilon ra pamiris, bulos ru sapi' tampilon ra kait, am bulos ru susuit kanui tampilon ra talikuron.

YEHEZKIEL 1:8

Suai ra apat bulos am apat kawo no, moonong ondo' maayag mokoondo' ra kalindu' ru ulun, rondo' kalindu' giu' ra ragana' ru moonong kawo.

YEHEZKIEL 10:14

Moonong kirub mokoondo' apat bulos ondo' nansasala': ondo' kasaa' bulos ru sapi', ondo' karuo bulos ru ulun, ondo' katalu bulos ru singa' am ondo' kaapat bulos ru susuit kanui.

YEHEZKIEL 10:21

Moonong kirub mokoondo' apat bulos, apat kawo, am rondo' koson ra kalindu' ru ulun giu' ra ragana' ru moonong kawo no.

DANIL 7:4

Kasaa' no baal nano koson ra singa', kaa' mokoondo' ra kawo koson ra kawo ru susuit kanui. Tatanga' aku magilong, kawo nano nautus intor riso. Bibiag no nakayang intor ra tana', am pinabigor ra kalayam nano koson ra ulun, am inanian ra utok ru ulun.

OBAJA 1:4

Kabalu' pana mambaal kau ra baloi giu' ra intok masawat koson ra bunsut ru susuit kanui, ilain koson soroi ra intok ru butitin-butitin, ratuin Takamin.

UNTABAN 23:24

Bansa' ru Israil koson ra singa' ondo' mapanggol, ondo' kalo mororo' saboi masaam ondo' akanon nano, am manginum ra raraa' ru inakan nano.”

UNTABAN 24:9

Bansa' Israil koson ra singa' mapanggol ondo' tatanga' tumangus, paat ra mombolong, kolondo' sangulun pana baani mangkarat riso. Osoi ondo' mambarakat ra Israil no barakaton, am osoi ondo' magulas ra Israil no ulason.”

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

SAGULION 28:49

Maparatong Tuhan ra rondo' bansa' intor ra pompor ru tana' koson gumula' ramuyun, bansa' ondo' ragu nano kalo maratian min. Koson ra kanui, manumbit ilo ramuyun.

PINAINTALANG 4:6

Am giu' ra saang ru takhta no, makito koson ra raat asilan, maniol koson ra kristal. Giu' ra takhta ra tatanga' no, mokoondo' apat ilo ondo' maayag. Ilo ondo' maayag no natitip ra mato tampilon ra saang am bakulung nilono.

PINAINTALANG 6:3

“Lungkabo' boo ru Anak Domba no segel karuo am korongog ku baal maayag ra karuo no minindagu, “Ibok!”

PINAINTALANG 6:5

Lungkabo' boo ru Anak Domba no segel katalu am korongog ku baal maayag ra katalu no minindagu, “Ibok!” Kakito ku sanginan kuda maitom am ondo' siminakoi no nampaguut ra timbangan.

PINAINTALANG 6:7

Lungkabo' boo ru Anak Domba no segel kaapat am korongog ku ilo ondo' maayag kaapat no minindagu, “Ibok!”