PINAINTALANG 4:10 - Tanou Moonsoi Timugon

¹⁰ karuo ngoopor am apat ngaulun tingganai no lumaub ra saang ru Io ondo' nanturung ra takhta no am niayuk sumamba Riso ondo' maayag ra mantilayun. Papatiro' nilo boo karaun mas nilono ra saang ru takhta no am indagu,

PINAINTALANG 4:10 ပူးပေါင်းရင်းမြစ်များ

1 TUNUNG RU BANSA' ISRAIL 29:20

Kopongo pakiasian raginio, indagu Raja' Daut ra ulun masuang ondo' natimung ra giu' no, “Omporo' noyo Tuhan i Aki Kapuuno' min!” Ngaangai' ulun pana nongompor-ngompor boo ra Tuhan, i Aki Kapuuno' ondo' sambaan ru kinamatuaan nilai. Kopongo raginio igulatur ilo koson mangurumat ra Tuhan am raja'.

2 TUNUNG RU BANSA' ISRAIL 7:3

Paat ra ulun ru Israil nakakito ra apui riminatu' intor ra limbowon am sinda ratangan ru Tuhan nakatikop ra Baloi ru Tuhan, igulatur ilo ra sulig am samba ri Aki Kapuuno'. Nongompor ilo Riso ra kinoonsoi Nano am togom Nano ondo' mantilayun.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

MAZMUR 115:1

Sala' ka akai, iou Tuhan, sala' ka akai, kaa' Okou ayuk maaya' katulayon am omporon, sabap ra Okou mampagagaya' toojo am monogom ramon.

MAZMUR 47:8

I Aki Kapuuno' noyo raja' ra titikop ru tana' ti; omporo' Iono ra rimbai!

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

MAZMUR 95:6

Igulatur takano am sumamba Riso; igulatur takano ra saang ru Tuhan, namangun ritakau!

JISAYA 6:1

Paat ra bilor pinatayan ru Raja' Ujia, nakito ku Tuhan. Nanturung Io ra panturungan Nano ondo' masawat am matulai. Pompor ru sukub Nano nakalimpot pakataub ra Baloi ru Tuhan.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

MATIUS 2:11

Umpos ilo ra baloi i am pagilong ra Anak no am ina' Nano i Maria. Igulatur ilo am samba ra Anak no. Ilo pana nangukab boo ra kaban ru rapu' nilono am patalango' ra Anak no ioginio; mas, kaminyan am mur, am pinataak ngaangai' taak no Riso.

LUKAS 24:52

Siminamba ilo Riso am siminaguli' boo ra Jirusalim nabaya' ra kaansukan nilo toojo.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

SAGULION 32:40

Sabap ra Aku galama', i Aki Kapuuno' ondo' naayag, mangakat Aku ra kalindu' am mampator

PINAINTALANG 10:6

Pagibot io ralalom inggalan ri Aki Kapuuno' ondo' maayag ra mantilayun, am ondo' nampasauk ra suruga', tana' ti, raat no am ngaangai' suang nilono. Kon ru malaikat no, “Orou ra inaanin i kalo noyo painjulon.

PINAINTALANG 11:16

Karuo ngoopor am apat ngaulun tingganai ondo' nanturung ra takhta ra saang ri Aki Kapuuno' no, igulatur am samba ilo ri Aki Kapuuno'.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 15:7

Rondo' boo intor ra apat baal ru ilo ondo' maayag no nangani' ra tulu' malaikat no ra tulu' sangkir mas ondo' nototop ra sangit am ukum ri Aki Kapuuno' ondo' maayag ra matilayun.

PINAINTALANG 19:4

Karuo ngoopor am apat ngaulun tingganai am kaapat baal maayag no igulatur am samba ilo ri Aki Kapuuno' ondo' nanturung ra takhta no. Konilo, “Amin. Koompor noyo i Aki Kapuuno'.”

PINAINTALANG 4:2

Aku pana kuasaa' boo ru Ambiluo ri Aki Kapuuno'. Giu' ra suruga' no mokoondo' takhta, am mokoondo' sangulun nanturung no.

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.

PINAINTALANG 4:9

Kaapat-apat ilo ondo' maayag ti marimbai ra mangurumat, mongompor am maringkuanang Riso ondo' manturung ra takhta no am ondo' maayag ra mantilayun. Am paat kaapat-apat nilo marimbai,

PINAINTALANG 5:14

Kaapat-apat ilo ondo' maayag no timinaam, “Amin!” Tingganai-tingganai no igulatur am niayuk siminamba.

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.

PINAINTALANG 7:11

Ngaangai' ru malaikat no minigor liput ra takhta no, tingganai-tingganai no am apat ilo ondo' maayag no. Ilo ti liminaub ra saang ru Io ondo' nanturung ra takhta am siminamba ri Aki Kapuuno',