PINAINTALANG 3:8 - Tanou Moonsoi Timugon

⁸ Makapandai Aku atan baalon mino. Makapandai aku ra ikang mino kalo kukula', kaa' minaya' kau ra pangilaan Kuno am gumagaya' kau Raki'. Nangukab Aku ra umpasan min am angabin ru osoi ayuk pana kalo maangaban.

PINAINTALANG 3:8 ပူးပေါင်းရင်းမြစ်များ

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

DANIL 11:34

Paat ra masauk pamatayan no, ulun ri Aki Kapuuno' mokoowot sanganu indangan, kabalu' pana ulun ondo' maya' risilo no mangkara' ayuk ra kaatangan galama'.

LUKAS 12:9

Kaa' osoi magali' Raki' ra saang ru ulun, Anak ru Ulun niayuk magali' ra ulun no ra saang ru malaikat-malaikat ri Aki Kapuuno'.

JUANIS 15:20

Karaa' min rinagu Kuli; ‘Sangulun ulipon kalo maatang intor ra tuan nano.’ Amon ru nangimbolo' ilo Raki', mangimbolo' ilo niayuk ramuyun. Amon ru ragu Kuli sinugut nilo, ragu mino pana gagayaan nilo.

JUANIS 17:6

“Pinaulig Tokou noyo ra ulun-ulun ti ondo' pinataak Muno Raki'. Ilo ti longgom Muno, kaa' pinataak Mu ilo Raki' am siminugut ilo ra ragu Muno.

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

1 KORINTUS 16:9

Sabap ra masuang kaluagan moonsoi kuno mangandoi ra Tuhan ragiti, kabalu' pana masuang niayuk manggal raki'.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

KOLOSI 4:3

Karaa' min niayuk akai ralalom ru pakiasian min, maa' raginio i Aki Kapuuno' mangani' ramon ra kaluagan mampasaboi ra tanou ri Kristus ondo' kalo igondo' pinabala'. Sabap ra kinibit ru kandoi ragitio noyo ra aku pinasubol ra pangaputan ti.

1 TIMOTIUS 5:8

Kaa' osoi ayuk kalo magalung ra pabukat nano, mulu' poyo pinongkotob nano galama', ulun ragitio karaan ra nagali' noyo ra pangintapatan am mulu' poyo malaat io ka ulun ondo' kalo mangintopot ri Kristus.

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

PINAINTALANG 22:7

Indagu i Jisus, “Rongogo' min gitio. Kalo boo mabuoi am matong Aku. Pakaansuk no ilo ondo' gumagaya' ra ondo' tinulisan ra kitab ti, ioginio ondo' masauk ra maagu no!”

PINAINTALANG 3:1

“Tulisi' koson ragitio ra malaikat ru pasimpungan ulun Kristian ra bandar Sardis: “Gitio noyo bilin intor Riso ondo' mokoondo' tulu' Ambiluo intor ri Aki Kapuuno' am mampaguut ra tulu' butitin no. Makapandai Aku atan baalon mino. Akau ti maayag rokoon kaa' sotopot no minatoi kau!

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.

PINAINTALANG 3:15

Makapandai Aku noyo atan ondo' binaal mino. Makapandai Aku ra kalo masalui kapoam malasu' kau. Mumpara' boo bobonsoi no amon ru masalui kapoam malasu' kau!

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.