PINAINTALANG 3:19 - Tanou Moonsoi Timugon

¹⁹ Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.

PINAINTALANG 3:19 ပူးပေါင်းရင်းမြစ်များ

2 SAMUIL 7:14

Masauk Aku ra ama' nano am masauk io ra anak Kuno. Paat ra io mambaal ra sala, mangukum Aku riso koson ra sangulun ama' mangukum ra anak nano.

AYUP 5:17

Pakaansuk noyo ulun ondo' sinawai ri Aki Kapuuno'! Pai' pangkaus amon ru okou ilaan No.

MAZMUR 39:11

Pai' aku noyo boo ukumi', mamaar aku no matoi ra lamba' Muno.

MAZMUR 6:1

Ra tingganai santimungan maririmbai. Ondo' sumbayaan ru jitor. Maya' ra layuk kabalu'. Mazmur ri Daut.

MAZMUR 69:9

Koson aku ayuk ra ulun suai ra ngaangai' pabukat kuno, koson ayuk ra tambului ru pabukat kuno.

MAZMUR 94:10

Sinangitan No ngaangai' bansa' – musiti' ukumin No ilo. Io no mangingila' ra ngaangai' ulun – musiti' masuang napandayan Nano.

AMSAL 15:10

Ulun mambaal ra kalaatan ukuman no maagat; ulun marara' mangapu ra pansawayan matoi.

AMSAL 15:32

Ulun ra marara' migigila', kalo mangurumat ra inan nilono. Ulun mangkirongog ra pansawayan, masauk ra mapintar poyo.

AMSAL 22:15

Lalaing maubas mambaal ra baal ra saasala', kaa' lalapos makaila' risilo mangulau ra paliso.

JISAYA 26:16

Iou Tuhan, inukum Mu ulun Muno, am ralalom kaimbalaan, mampiau ilo Rirun.

JIRIMIA 10:24

Iou Tuhan, ukumi' noyo ulun Muno; kaa' pai' imboloo' toojo, am pai' akai ukumi' paat ra Okou sumangit, sabap ra maaru' no akai ngaangai' mapuso.

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 31:18

Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

JIRIMIA 7:28

Balain mu ilo ra ilo noyo rondo' bansa' ondo' marara' gumagaya' Raki', Tuhan i Aki Kapuuno' nilo, am marara' ilo migila' intor ra ukuman ondo' pinatiu' risilo. Gagaya' nilo Raki' kolondo' noyo boo, inambai boo ra kalo boo tunungon.”

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.

MATIUS 25:7

Mopor ngaulun ralaa ti karat am sikiti' nilo pilasut nilai.

JUANIS 2:17

Kakara' boo ru maamaya' Nano ondo' tinulisan ra Kitab: “Aki Kapuuno', togom Kutu ra Baloi Mutu mangkinibit ra patayan Kutu.”

ROMA 12:11

Pirot kano pangandoi am pai' katiar. Mabaya' ra kaikangan ru Ambiluo ri Aki Kapuuno', pangandoi kano ra Tuhan ra totopot ru guang min.

1 KORINTUS 11:32

Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

2 KORINTUS 6:9

Karaan akai ra kalo kauligan, kaa' matutunan akai niayuk ru ngaangai' ulun. Masalok akai makauma' ra baal makapatoi, kaa' ilai', maayag akai niayuk. Kabalu' pana imboloon akai, kaa' kalo poyo napatoi.

2 KORINTUS 7:11

Ilai' min noyo ampos ru guang mangiluk min ondo' sumugut ra kasagaan ri Aki Kapuuno': mirot kau mampainono' ra kalo makasala kau. Mumpara' boo sisang min ra tula i am mumpara' boo laa' min ra sonor no. Mumpara' poyo ondom min raki' am kasagaan min mangukum ra baal makasala. Nampakito kano ra ralalom ru ngaangai' baal ti ra kolondo' sala min.

GALATIA 4:18

Moonsoi niayuk masalok mirot mangkimait ra ulun am sala' ka ayuk paat ra aku soroi ramuyun, ondo' ak am amon ru pagibitan no moonsoi.

SAGULION 8:5

Karaa' noyo Tuhan i Aki Kapuuno' min nansawai ramuyun nogondo' koson ra sangulun ama' nansawai ra anak-anak nano.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

PINAINTALANG 2:5

Karaa' noyo ra kalo boo motogom kau! Talikur kano intor ra tula mino am baalo' noyo atan ondo' binaal min ra talimpuun i. Amon ru kalo tumalikur kau, matong Aku ramuyun am mangiru' ra tampakan ra lampung mino.