PINAINTALANG 3:18 - Tanou Moonsoi Timugon

¹⁸ Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!

PINAINTALANG 3:18 ပူးပေါင်းရင်းမြစ်များ

MAZMUR 107:11

sabap ra ilo minanggal ra panusuban ri Aki Kapuuno', am marara' ilo ra susuban ru Io Ondo' Maayo Kaga' Kuasa'.

MAZMUR 16:7

Mongompor aku ra Tuhan sabap ra mangindangan raki', bulintok molondom bolos ru guang kuno mangila' raki'.

MAZMUR 32:8

Tuhan minindagu, “Tuluin Tokou ra ralan ondo' musiti' kiralanon muno. Ilaan am pinsanin Tokou.

MAZMUR 73:24

Mangila' Kou raki' ralalom ru bilin, am apuon Mu aku ra urumat.

AMSAL 1:25

Ngaangai' pinson kuno kalo suguton min am kalo mangapu ra pangilaan kuno.

AMSAL 1:30

Kalo igondo' kau gagaya' ra bilin kuno kapoam mampalio ra sawai am ila' kuno.

AMSAL 19:20

Ulun ondo' masaga' mangkirongog ra bilin am masaga' migigila', masauk io ra mapintar ra tauli no.

AMSAL 23:23

Pangilaan ra motopot, mapintar, ubason, am pangaratian – ngaangai' no sotopot no balion kaa' mologo toojo ra talanon.

MAMPATANOU 8:2

Gagaya' no susuban ru raja', am pai' no kalingas makimabantu' ri Aki Kapuuno'.

JISAYA 47:3

Ulun makakito ramuyun magibaang, asabin am tauyuon. Mansuli' Aku, am kolondo' sangulun pana polosoon Ku makalabus.”

JISAYA 55:1

Mindagu Tuhan, “Ibok kano ngaangai' ondo' pinaason, inum kano ra timug pinasulung. Ratong kano ondo' kolondo' ruit, apuo' noyo gandum kalo kilagain, am akano' noyo! Anggur am gatas pinasulung, apuo' ayuk ra kalo kilagain.

JIRIMIA 13:26

Tuhan galama' mangalus ra bayang mino saboi magibaang kau am tauyuon.

DANIL 12:2

Masuang ulun ondo' minatoi maayag saguli': mokoondo' ondo' makasia' ra kaayagan mantilayun, mokoondo' poyo ondo' maimbolo' ra mantilayun.

MIKA 1:11

Mamagun ru Sapir kau ngai', ongoi no ra pagun namatiran ra magibaang am mauyu'. Mamagun ru Jaanan kalo baani mongoi ra liwar ru bandar. Paat ra akau nakaining ra mamagun ru Bit-Gaijil mantangi', makapandai kau ra kolondo' intok sindungan ra giu' no.

NAGUM 3:5

Mindagu Tuhan Ondo' Maayo Kaga' Kuasa', “Okou Niniwi, ukumin Tokou! Pagibaangon Tokou, am mompoloso ra bansa'-bansa' magilong rirun; makito nilo baal muno ondo' makauyuyu'.

MALIAKI 3:3

Matong Io koson mangakim ra ulun, koson sangulun ondo' mamasau am manuyu' ra mas am pirok, koson niayuk ra ulun sinusub ru Tuhan mamasau toojo ra imam-imam maa' raginio mampataak ilo ra taak simbalui ondo' maaya' pataakon ra Tuhan.

MATIUS 13:44

“Paat ri Aki Kapuuno' mamarinta, baal no koson ra rapu' nokolobong ra umo. Paat ra sangulun makatuum ra rapu' no, pumpuni' no sagulio'. Sabap ra naansukan io kaga', ongoyo' no talano' ngaangai' kuliamos nano, am saguli' io boo am balio' no umo i.”

MATIUS 25:9

‘Kalo!’ kon ru ralaa-ralaa matanda' no, ‘Sabap ra kalo makaukop ra itakau ngai'. Ongoi kano bali giu' ra kadai.’

LUKAS 12:21

Pupusi' boo ri Jisus, “Gitio noyo pinambalos ra ulun ondo' lumuntuk ayuk manimung ra kuliamos, kaa' sotopot no musikin io ra pagilangan ri Aki Kapuuno'.”

2 KORINTUS 5:3

Sabap ra paat takau soroi ra giu' no, makainan takau boo ra nakabagu.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

1 TIMOTIUS 6:18

Pinsono' ilo poyo mambaal ra moonsoi, koson maluoi mangani' ra indangan am maansayan mantayar ra ulun ra bokon.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

PINAINTALANG 16:15

“Rongogo' min! Aku matong koson ra sangulun mantatakou. Pakaansuk noyo ulun ondo' kalo mombolong am ondo' magalung ra bayang nano. Pagilalain no saboi kalo magibaang io am mauyu' ra saang ru ulun.”

PINAINTALANG 19:8

Pinataak noyo riso ra bayang linon ondo' manguliat.” (Bayang linon no ioginio baal moonsoi ru ulun ri Aki Kapuuno'.)

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.

PINAINTALANG 7:13

Sangulun intor ra tingganai-tingganai no nangkuot raki', “Osoi kia ulun-ulun ondo' nambayang ra sukub mapulak no, am ati intor nilono?”